Hiob 38:17 - O Debleskro Lab 2024 (Sinte-Manouche)

¹⁷ Hals tou tardo pash i voudya an o moulengro them? Oun dikal tou i voudya glan koy platsa, kay hi baro kalepen.

O Debleskro Drom 2021 (Sinte)

¹⁷ Hals tu tardo pash i wudja an o mulengro them? Un dikal tu i wudja glan koi platsa, kai hi baro kalepen.

Hiob 38:17 ပူးပေါင်းရင်းမြစ်များ

Hiob 10:21

glan te djau koy, kay vau bouder gar pale – an o tamlo them, kay hako tsiro kali rat hi

Hiob 11:8

O Debleskro gosvepen hi doureder har o bolepen hi, oun doureder tele har o moulengro them. Kova hi bareder har i phoub oun bourhleder har o baro pani. Tou nay hayveh oun djineh gar halauter!

Hiob 12:22

Yob anell kova glan, hoy khatedo his an o kalo telstunepen, oun krell, te vell o tamlepen diklo.

Hiob 26:6

O moulengro them hi pre čakedo čiddo glan o Debleste. Či khatrell les glan leskre yaka.

Hiob 3:5

Mou vell ko dives pherdo kalepen oun tamlepen! Kale volke mou ačenn pral leste! Oun o kham mou vell kalo ap ko dives, te vell i menshenge bari daar!

Hiob 34:22

Kek rat oun kek kalepen hi yaake tamlo, te nay khatrans pen i čilače kote dren.

Debleskri gili 107:10

Vavar his beshdo an o stilepen, kay his kek momeli, kokres kali rat. Lengre vasta oun herya his pandle an saster oun doukran len.

Debleskri gili 107:14

oun anas len vin dran i kali rat, kay kek momeli his, oun kras lengre sasterne shelle pre.

Debleskri gili 107:18

te nay rhan le bouder či, oun his boudeder moulo har djido.

Debleskri gili 116:3

O merepen pandas man an peskre shelle. Djinom bouder gar dren oun vin, yaake baro his miri daar te hounte meroms oun djoms pash i moulende.

Debleskri gili 23:4

Ninna te nashau me mashkral i tamli tala, darau me glan kek bibarht. Tou hal pash mande. Tiro kashteha aneh tou man pale, oun rikreh i divye firhen mandar krik, yaake hounte trashap gar.

Debleskri gili 9:13

Kova, kay bistrell gar te dell lo kolen i phagi, kay lan i rateskri doosh ap pende. Yob shounell i gole oun o mangepen kolendar, kay čorvelo oun palla lino hi.

Amos 5:8

O baro Devel kras o bolepangre momlia, kol momlia, hoy sikrenn: o vend vell oun i niyal vell. Dran i rat krell yob o dives, oun dran o dives i rat. Dran o baro pani lell yob o pani oun čorell les ap i phoub. Yob kharell Baro Devel.

Mateo 4:16

T'menge hi ko lab, hoy o Debleskro rakepaskro penas: T'mer djivenna an i rati, oun dikenna i bari momeli. Yaake har o kham pre djala, vella i momeli pash kolende, kay hi len traash o merepastar.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.