Hiob 37:24 - O Debleskro Lab 2024 (Sinte-Manouche)

²⁴ Doleske dikenn i menshe pre ap leste. Yob dikell kekes an, kay rikrell pes yekeske, kay hi gosevo.

O Debleskro Drom 2021 (Sinte)

²⁴ Doleske dikenn i menshe pre ap leste. Job dikell kekes an, kai rikrell pes jekeske, kai hi gosewo.

Hiob 37:24 ပူးပေါင်းရင်းမြစ်များ

Hiob 5:13

Yob taprell i goseven an pengro gosvepen. Oun kova, hoy kolla douy čipyentsa mank pende vin kran, kova moukell lo gar te djal.

Debleskri gili 130:4

Tou hal kova, kay i doosh krik lella. Doleske dikah pre ap toute oun shounah ap toute.

Debleskri gili 33:8

I tseli phoub hounte darell o baro Deblestar, hakeno, kay ap i phoub djivella, hounte penell leske: “Tou hal o Devel.”

Debleskri gili 40:4

An miro mouy čivas lo i nevi gili, i gili, hoy maro Debles sharell. Boud, kay dikenn kova, hayvenn, te hi o baro Devel o ray, oun yon patsenn ap leste.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jesaja 5:21

Djungeles djal kolenge, kay an pengre yaka kokres gosevo hi, oun pash pende kokres krenn, har te hayvenn le halauter.

Jeremia 32:39

Me krau, te vell len yek dji oun yek djipen, te kamenn le ap mande te shounell pengro tselo djipen. Palle djal lenge mishto, ninna lengre čavenge pal lende.

Jeremia 33:9

Palle vell o foro Yerusalem mange i foro, pral koleste barhtelo hom. I menshe an i tsele themma sharenn man, oun hadenn man, te shounenn le ko tselo lačo koova, hoy me o foreske Yerusalem krau. Lenge ačell o rakepen krik, oun yon krenn bare yaka, te dikenn le ko tselo lačepen oun koy tseli barht, hoy dau kava foreske.

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Jona 1:16

Kote lan i morsha bari traash glan o baro Debleste. Oun yon rhačran leske i firhes, te parkrenn le pen pash leste, yaake har yon pen sovel dan.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Louka 10:21

An ko tsiro das o Debleskro Dourho o Yezouses i bari barht an o dji. Oun yob penas: “Tata, tou hal o ray pral o bolepen oun i phoub, oun me sharau tout. Kova, hoy tou kreh, sikral tou kolende, kay gar boud djinenna. Oun kolla, kay gosevo hi oun boud djinenna, kolla hayvenn kova gar. Ava, yaake kamal tou kova.

Remarja 2:4

Hi touke o Debleskro baro lačepen či moldo? Les hi i baro dji oun dell i menshen gar sik pre. Djineh tou gar o Debleskro lačepen, hoy kamell tout ap leskro drom te anell?

1. Korintarja 1:26

Dikenn ap t'mende, mire phrala: Mank t'mende hi gar boud goseve menshe, gar boud pralstoune oun gar boud, hoy mishto an-diklo hi.

1. Korintarja 3:19

Kova, hoy pash i menshende gosvepen hi, hi an o Debleskre yaka dinlepen. An o Debleskro lab hi činlo: O Devel taprell kolen an lengro rhorhepen, kay penenn pendar, kay yon gosevo hi.