Hiob 37:18 - O Debleskro Lab 2024 (Sinte-Manouche)

¹⁸ nay kreh tou o bolepen bourhles pral i phoub, har yob kova kras, te vell o bolepen zoreles har i dikepaskri?

O Debleskro Drom 2021 (Sinte)

¹⁸ nai kreh tu o bolepen buchles pral i phub, har job kowa kras, te well o bolepen soreles har i dikepaskri?

Hiob 37:18 ပူးပေါင်းရင်းမြစ်များ

Hiob 37:17

Tou, koleske tel i koola tato vell, te phourdell i tato dourho pral o them,

Debleskri gili 104:2

Har i baya čival i bari momeli troul toute. Tou tserdal o bolepen bourhlo har i bari plarhta,

Debleskri gili 150:1

Halleluya! Sharenn o Debles an peskro baro kheer! Sharenn les, ko zoreles an o bolepen!

2. Mose 38:8

Oun yob kras o thopaskro čaro dran lolo saster oun čivas les ap herya, hoy ninna dran lolo saster hi. Ko lolo saster las lo dran kol blendarya, hoy dan les kol djouvya, kay pash o voudar glan o Debleskro plarhteno kheer pengri boudi kran.

Gosewe laba 8:27

Me homs pashel, har kras lo o bolepen oun koy platsa, kay dikell vin, har te vans o bolepen oun o baro pani kote khetne.

Jesaja 40:12

Koon hi yaake baro, te nay lell lo i tsele panya an peskro vast? Koon nay čivell peskro vast ap o bolepen oun penell, har bourhlo kova hi? Koon nay čivell i tseli čik i phoubyatar an i baro čaro, te dikell lo har boud kova hi? Oun koon nay penell, har pharo i berge hi, oun nay čivell len ap i vaga? Kek mensho nay krell kova!

Jesaja 40:22

Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

Jesaja 44:24

Kava penell o baro Devel, kova, kay ginas tout vin dran i bibarht, oun kova, kay tout kras har gomme gar boldo hals: Me, o baro Devel hom kova, kay lauter kras, Me kokres krom o bolepen bourhlo pral i phoub, Oun har me i phoub zoreles pre čivom, his kek kote pash mande.

Jesaja 45:12

Me hom kova, kay kras i phoub, oun ko menshes, kay ap late hi, ninna. Mire vastentsa krom o bolepen bourhles, oun kol tsele momlia ap leste penom me, kay le venn.

Jeremia 10:12

Yob, o baro Devel, kras i phoub peskri zoryah. Dran peskro gosvepen čivas lo i phoub zoreles tardo, oun kras o bolepen koy pral.

Zakarie 12:1

Kava hi o lab, hoy penas o baro Devel pral o Israel: Kova penell o baro Devel, kay kras o bolepen bourhlo oun čivas i phoub zoreles tardo, oun das o menshes o dourho.