Hiob 37:13 - O Debleskro Lab 2024 (Sinte-Manouche)

¹³ Nay vell, te bičrell lo o brishin, te dell lo o themes i phagi, ninna nay vell, te bičrell lo les, te sikrell lo peskro lačepen.

O Debleskro Drom 2021 (Sinte)

¹³ Nai well, te bitchrell lo o brishin, te dell lo o themes i phagi, ninna nai well, te bitchrell lo les, te sikrell lo peskro latchepen.

Hiob 37:13 ပူးပေါင်းရင်းမြစ်များ

2. Samuel 21:10

Koy las i Rizpa, kolakro dad o Aya his, i gono oun čivas kova ap i baro bar, oun beshas pes koy pre oun ačas kote yaake rah har yon o djob tele činan, bis te peras o brishino dran o bolepen ap kol moulende, kay koy bladedo his. Oun ap o dives moukas li gar kol čirklen ap lende te vell, vitar gar rati i vesheskre firhen.

2. Samuel 21:14

Oun yon paskran len khetne i kokale o Saulestar oun leskro čavestar Yonatan an ko them Benyamin, an o gab Zela, an o moulengro kheer peskro dadestar Kish. Oun yon kran lauter yaake har o baro ray David penas. Pal kova his o baro Devel pale kamlo ap ko them.

1. Rajengro liil 18:41

Palle penas o Eliya ap o Ahab: “Dja pre, rha oun pi, kote vell i baro brishin!”

1. Rajengro liil 18:45

Oun yaake vas: Sik vas o bolepen kalo, i zorelo dourho tradas kale volke pash lende, oun palle vas i baro brishin. Oun o Ahab beshas ap peskro vourdin oun ouleras tele an o foro Yesreel.

Esra 10:9

Kote van i tsele morsha i menshendar Youda oun Benyamin an o foro Yerusalem khetne. Ap o triinto dives his le lauter koy. Kova his o 20. (biishto) dives an o 9. (enyato) čon. Oun i tsele menshe his beshdo ap i platsa glan o Debleskro kheer oun trissan i trashatar pral kava koova, hoy yon kran, oun ninna o baro brishinestar.

Hiob 37:14

Hiob, shoun kava mishto! Ač, oun de yak ap kova, hoy o Devel an peskri zoor krell!

Hiob 37:6

Ap o gib penell lo: Pere ap i phoub! Ap i volke: De zorelo brishin!

Debleskri gili 65:10

Tou djineh, hoy o themes hounte vell, oun deh yak, te vell les doha pani, oun kreh les braveles. Miro Devel, tout hi hako tsiro doha pani. Tou moukeh boud djob bares te vell i menshenge.

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,