Hiob 36:23 - O Debleskro Lab 2024 (Sinte-Manouche)

²³ Kek nay penell leske, hoy te krell lo! Kek nay penell leske: Hoy kral, hi gar mishto.

O Debleskro Drom 2021 (Sinte)

²³ Kek nai penell leske, hoi te krell lo! Kek nai penell leske: Hoi kral, hi gar mishto.

Hiob 36:23 ပူးပေါင်းရင်းမြစ်များ

Hiob 21:22

Nay penell i mensho o Debleske, har čomone hounte vell – leske, kay hi o čačepaskro ray pral halauterende, ninna pral i pralstunende?

Hiob 34:10

Doleske, t'mer morsha, kay yaake boud hayvenn, shounenn ap mande! An kek tsiro krell o zorelo Devel i čilačo koova. Hako tsiro hi lo an o čačepen tardo!

Hiob 34:12

Čačepah, o zorelo Devel krell kek čilačo koova, oun o čačepen rissrell lo gar trouyel.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 8:3

Patseh čačepah, te krell o zorelo Devel gar, hoy mishto oun čačo hi? Patseh, te rissrell lo peskre čačepaskre laba trouyel?

Remarja 11:34

Kek hayvell lauter kova, hoy hi an o Debleskro dji. Yob hi o ray. Kek nay penell leske, hoy yob hounte krella.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

Remarja 3:5

Kanna poučau t'mendar: Hi i menshen gar čačo, te penenn le: “Hi maro čilačepen baro, vell o Debleskro lačepen bareder. Doleske hi o Debles gar čačo, te dell lo men i phagi.”

Remarja 9:14

Hoy te penas mer kanna: Djal o Devel gar pal o čačepen? Na-a! Kova hi gar yaake.

1. Korintarja 2:16

Kova hi yaake, har an o Debleskro lab činlo hi: Kek djinella, hoy an o Debleskro dji hi. Kek nay vell leskro sikepaskro. Mer, kay patsle ham, men hi o Yezouseskro Dourho.

Efesarja 1:11

Yob kras, te vam mer o Debleskre čave. Oun ko bolepaskro bravlepen, hoy leskro hi, vell ninna maro. Kova kamas o Devel glan i rah tsiro yaake. Oun lauter, hoy yob kamella, krell lo.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.