Hiob 36:22 - O Debleskro Lab 2024 (Sinte-Manouche)

²² Dik, har baro o Devel hi! Leskri zoor hi bareder har halauter! Koon hi i sikepaskro har yob?

O Debleskro Drom 2021 (Sinte)

²² Dik, har baro o Dewel hi! Leskri soor hi bareder har halauter! Koon hi i sikepaskro har job?

Hiob 36:22 ပူးပေါင်းရင်းမြစ်များ

Hiob 21:22

Nay penell i mensho o Debleske, har čomone hounte vell – leske, kay hi o čačepaskro ray pral halauterende, ninna pral i pralstunende?

Hiob 25:2

O Debles hi i zoor pral halauter, oun hakeno hounte trashell lestar. I zorelo vasteha krell lo, te vell kek čingepen an peskro bolepaskro them.

Hiob 33:12

Dik, Hiob, me hounte penap touke, kate hal tou gar an o čačepen. O Devel hi bareder har i mensho.

Hiob 35:11

Yob kras, te djinas mer boudeder har i firhe ap i phoub, oun kras men gosveder har i čirklen tel o bolepen.

Debleskri gili 119:102

Me krau pal tire čačepaskre laba. Tou hals miro sikepaskro.

Debleskri gili 25:5

Sike mande, har te djivap miro djipen an tiro čačepen! Tou hal miro Devel, kay rikrell man! Hako dives dikau ap toute.

Debleskri gili 75:7

Čačo barepen vell gar kotar, kay o kham pre-djala, oun gar kotar, kay o kham tele djala, vitar gar dran o moulo tato them.

Debleskri gili 94:10

Kova, kay i menshen an i vavar themma čingrell, dell lo t'men kek phagi? Yob hi o sikepaskro halauterendar – hi les kek gosvepen?

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Jesaja 14:5

O baro Devel phagas tiro kasht, tou čilačo, ava, o rayeskro kasht phagas lo an kotya.

Jesaja 48:17

O baro Devel, kova, kay tout, Israel, vin las dran o pandepen, yob, o čačo Devel, hi o Israeleskro Devel oun penell: Me, o baro Devel, hom tiro Devel, kova, kay toute sikrell, hoy touke mishto hi, oun ap havo drom tou hounte djas.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jeremia 31:38

Dik, penell o baro Devel, o tsiro vell, kay vell o baro Debleskro foro Yerusalem neves kerdo. Leskri massouri djal foun ko turmo Hananel bis ap o voudar, kay i rigya khetne venn;

Daniel 4:25

Oun lauter vas yaake pral o baro rayeste, o Neboukadnezar.

Daniel 4:32

Kolla, kay ap i phoub djivenna, hi har či glan leste. Oun har yob kamella, djal yob kol pralstunentsa trouyel, kay an o bolepen hi, oun ninna kolentsa, kay ap i phoub djivenna. Oun kek nay penell leske: Kova hounte kress tou gar! Vitar kek nay poučell lestar: Hoy kreh tou kate?

Daniel 5:18

Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Louka 1:52

Yob las i zoor i bare rayendar krik, te vell len bouder či penepaske, oun hadas i tiknen, te venn le baro.

Johanni 6:45

An o Debleskro lab činan kol Debleskre rakepangre: O Devel hi o sikepaskro halauterenge. Hakeno, koon ap o dadeste shounella oun krell, hoy yob kamella, vell pash mande.

Remarja 13:1

Hakeno hounte shounell ap i pralstunende, kay hi len penepaske pral o them. I tsele themengre pralstoune lan pengri zoor o Deblestar. O Devel čivas len an pengri boudi.