Hiob 35:8 - O Debleskro Lab 2024 (Sinte-Manouche)

⁸ Kolla hi i vavar menshe, kolenge kova djoungeles hi, te kreh čilačo koova, oun kolenge kova lačo hi, te kreh lačo koova.

O Debleskro Drom 2021 (Sinte)

⁸ Kolla hi i wawar menshe, kolenge kowa djungeles hi, te kreh tchilatcho koowa, un kolenge kowa latcho hi, te kreh latcho koowa.

Hiob 35:8 ပူးပေါင်းရင်းမြစ်များ

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

Hiob 35:7

Te hal tou an o čačepen tardo, hoy hi les kolestar? Na-a, tou nay deh leske či dran tiro vast, hoy leske čomone moldo hi.

Hiob 35:9

Te krenn i zorele i vavarenge boud čilačo koova, rovenn kolla, oun denn gole pal yekeste, kay lell len vin dran i vasta kol zorelendar.

Hiob 42:8

Kanna lenn efta terne gourma oun efta bakre oun djan pash o Hiob, oun marenn kol firhen kote, oun rhačrenn len mange! Oun o Hiob, koles miro čačo vast hi, hounte mangell man t'menge. Ap koleste shounau oun krau t'mentsa gar, har hounte kroms. T'mer rakran gar o čačepen pral mande har yob kras.”

Debleskri gili 106:23

Doleske kamas lo len moulo te dell, te vals kote gar o Mose, koles yob peske vi-rodas. Kova stas pre, te rikrell lo o Debles leskri rholyatar tele, yaake te dell lo len gar moulo.

Debleskri gili 106:30

Kote stas o Pinhas pre, oun das len i phagi, oun ko nasslepen djas krik.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Jona 1:12

O Yona penas ap lende: “Lenn man oun vitsrenn man an o baro pani! Palle vell o baro pani pale pokones oun moukell t'mendar tele. Me djinau: Kova hi miri doosh, kay kava baro phourdepen pral t'mende vas.”

Bičepangre 27:24

Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Josua 22:20

His gar yaake, har o Akan, koleskro dad o Zera his, peske kolestar las, hoy o baro Debleske kokres his, te vas o baro Debleskri rholi pral i tsele Israelitaryen, ninna te kras yek morsh kokres ko čilačepen. Oun yob hounte meras koleske, hoy lo kras.”