Hiob 34:27 - O Debleskro Lab 2024 (Sinte-Manouche)

²⁷ Kova krell lo doleske, kay djan yon leskro dromestar tele, oun dan gar yak ap kova, hoy yob lendar kamas.

O Debleskro Drom 2021 (Sinte)

²⁷ Kowa krell lo doleske, kai djan jon leskro dromestar tele, un dan gar jak ap kowa, hoi job lendar kamas.

Hiob 34:27 ပူးပေါင်းရင်းမြစ်များ

2. Familjakro liil 28:6

O Israelengro baro ray – leskro lab his Peka, leskro dad his o Remalya – yob peskre lourdentsa maras ap yek dives 120.000 (sheel-te-biish-zerya) kourepangre an o them Youda. Kova his i phagi doleske, kay moukan yon o baro Debles, ko Devel lengre phourendar.

Hiob 21:14

I čilače penenn ap o Debleste: “Dja touke mendar! Mer kamah či tire dromendar te djinell.

Debleskri gili 107:43

Koon gosevo hi, bistrell kova gar, oun hayvell, har lačo o baro Devel hi.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 28:5

Yon dikenn gar ap kova, hoy o baro Devel krell, vitar gar ap kova, hoy yob peskre vastentsa kras. Doleske vitsrell lo len ap i phoub, te nay stenn le bouder gar pre.

Gosewe laba 15:10

Kolla, kay o Debleskro drom moukenn, lenn i phari phagi. Koon moukell pes či te penell, hounte merell.

Jesaja 1:28

Khetne phagedo venn kolla, kay o Debleskro dromestar tele djan, khetne kolentsa, kay doosh ap pende anan. Oun kolla, kay o baro Debles moukan, hounte merenn.

Jesaja 1:3

Haki groumni prindjrell koles, koneske yoy hi. Oun haki bourika djinell koy platsa, kay lakro ray dell lat te rhal. O Israel prindjrell kova gar. Mire menshe hayvenn kova gar.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Jeremia 2:17

Kova lauter hi tiri doosh! Boud kope kamas o baro Devel, tiro ray, tout ap o čačo drom te anell. Oun tou moukal les!

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Bičepangre 15:38

O Paulo penas ap o Barnabeste: “Kova hi gar mishto, te las o Markes peha. Yob moukas men an o them Pamfilia kokres, djas peske, oun boudras gar mentsa.”

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Hebrearja 10:39

Čačepah, mer ham gar kolendar, kay moukenn leskro drom oun djan nashedo. Na-a. Mer ham kolendar, kay ačah an o patsepen, oun lah o djipen, hoy gar pre-herella.

1. Samuel 15:11

“Man doukella, te čivom me o Saules pral o Israel, te vell lo lengro baro ray. Yob sikras mange o doumo, oun kras gar, hoy me leske penom.” Kova doukas o Samueles an o dji, oun yob das i tseli rat ap o baro Debleste gole.