Hiob 33:4 - O Debleskro Lab 2024 (Sinte-Manouche)

⁴ O dourho o Deblestar kras man. Ava, o dourho o zorelo Deblestar das man o djipen.

O Debleskro Drom 2021 (Sinte)

⁴ O ducho o Deblestar kras man. Awa, o ducho o sorelo Deblestar das man o djipen.

Hiob 33:4 ပူးပေါင်းရင်းမြစ်များ

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

Hiob 10:12

Tou dal man djipen oun kral lačepen ap mande, oun dal mishto yak ap miro djipen.

Hiob 10:3

Hoy aneh kava touke, te rikreh man zoryah tele? Hoske vitsreh man toutar krik, man, koles tire vasta kran, oun moukeh kova mishto te djal, hoy lan pen i čilače glan?

Hiob 12:10

An leskro vast hi o djipen halauterestar, hoy djivella, ninna o djipaskro dourho i tsele menshendar!

Hiob 27:3

Yaake rah har an mande gomme djipen hi, oun o dourho o Deblestar an miro nak hi,

Hiob 32:8

Hi čačo, kova, hoy krell i menshes gosevo, hi o dourho o zorelo Deblestar, koles yob an i mensheste dren čivas.

Debleskri gili 104:30

Tou te bičreh tiro djipaskro dourho, venn le kerdo, oun tou deh nevo djipen ap i phoub.

Debleskri gili 33:6

Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

Jesaja 42:5

O baro Devel hi maro ray, kova, kay o bolepen kras, oun har i plarhta bourhles kras. Ninna i phoub kras lo, oun lauter hoy li vin anell. Oun i menshen ap late dell lo o dourho, oun djipen kolende, kay ap late djivenn. Yob penell:

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.