Hiob 33:13 - O Debleskro Lab 2024 (Sinte-Manouche)

¹³ Hoske hal tou rhoyedo leha, te rakras lo či pale ap kova, hoy penal?

O Debleskro Drom 2021 (Sinte)

¹³ Hoske hal tu chojedo leha, te rakras lo tchi pale ap kowa, hoi penal?

Hiob 33:13 ပူးပေါင်းရင်းမြစ်များ

Hiob 10:2

Me penau ap o Debleste: Ma pen: Doosh hi ap toute! Pen mange, havi doosh tou ap mande hatsal?

Hiob 10:6

Hoske rodeh doosh ap mande, oun dikeh palla, havo čilačepen krom?

Hiob 11:7

Patseh, te djineh halauter, hoy an o Debleskro dji hi? Nay hayveh tou, har baro o zorelo Devel hi?

Hiob 40:2

Tou kameh tout mantsa te čingrell – mantsa, kay o zorelo Devel hom? Tou, kay doosh ap mande hatsal, oun mange penal, hoy gar mishto krom, pen kanna čomone kay pre!

Hiob 9:12

Te lell lo yekes zoryah krik, koon kamell les pre te rikrell? Kek nay penell ap leste: Hoy kreh tou?

Hiob 9:14

Har nay hatsoms me laba, te nay penap čomone ap leste?

Debleskri gili 62:11

Ma patsenn, te lenn bravlepen, te djan ap yekeste i zoryah pre! Ma patsenn, te krell t'men kova bravelo, hoy čoran! Ninna te venn bravleder oun bravleder, ma čivenn t'mare djia pre!

Jesaja 45:9

Djungeles djal koleske, kay rhoyedo hi koleha, kay les kras! Yob hi či har i kotar dran i paash dino čaro mank vavar paash dine kotya. Ko čik, dran koleste čare rhačedo venn, nay penell lo ap koleste, kay lestar čomone krell: Hoy kreh tou? Oun ko čaro, hoy lo kras, penell kova nay ap leste: Tou hayveh či!

Jesaja 46:10

An o phouro tsiro penom me glan-vi, hoy vella. Glan rah tsiro rakrom kolestar, hoy gomme gar his. Oun me penau: Kova hoy me mange glan lom, vell yaake. Oun me krau lauter, hoy kamau te krell.

Jeremia 50:24

Me čivom dorya pral tiro drom, te peress dren, Babilon, oun sikeder har tou dikal, moukal tout te taprell. Pral mande, o baro Debleste, hadal tout. Doleske val tapedo oun pandlo.

Ezekiel 22:14

Čačepah, an kol divessa, kay djau khatar t'mende, ačenn t'mare djia gar zoreles, oun t'mer nay hadenn bouder gar t'mare vasta! Me, o baro Devel, rakrom, oun hoy penom, krau me ninna.

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

Bičepangre 1:7

Koy penas o Yezous: “O tsiro, kay o dad kova krella, hi leskro koova. T'mer hounte djinenn kova gar.

Bičepangre 5:39

Te hi ko koova o Deblestar, palle nay phagenn les gar. Denn yak, te čingrenn t'mer gar ap o Debleste.” Oun yon shounan ap o Gamaliel.

Remarja 11:34

Kek hayvell lauter kova, hoy hi an o Debleskro dji. Yob hi o ray. Kek nay penell leske, hoy yob hounte krella.

Remarja 9:20

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

1. Korintarja 10:22

Ma rhoyrenn o Debles! Mer ham gar zorleder har yob.