Hiob 31:24 - O Debleskro Lab 2024 (Sinte-Manouche)

²⁴ Miro sonakay vas gar miro devel. Ap leste penom me gar: Tou hal kova, hoy man hounte vell!

O Debleskro Drom 2021 (Sinte)

²⁴ Miro sonakai was gar miro dewel. Ap leste penom me gar: Tu hal kowa, hoi man hunte well!

Hiob 31:24 ပူးပေါင်းရင်းမြစ်များ

1. Mose 31:1

Oun o Yakob shounas, hoy o Labaneskre čave pal leste rakran oun penan: “O Yakob las peske halauter, hoy maro dadeskro his. Kova, hoy maro dadeskro his, kolestar vas lo yaake bravelo.”

Hiob 22:24

Te hi touke tiro sonakay gar boudeder moldo har čik, tiro lačeder sonakay gar boudeder har kol barra an i tikne panya,

Debleskri gili 49:17

Ma rhoye tout, te vell yek bravelo, oun leskro kheer bareder oun shoukeder vella!

Debleskri gili 52:7

Doleske phagell tout ninna o Devel hako tsireske. Yob stakrell tout khetne, vitsrell tout vin dran tiro kheer, lell tout krik kay phoubyatar, kay djivah.

Debleskri gili 62:10

I menshe hi či har i dourho. Tikne har bare hi či moldo. Te vans le ap i vaga čiddo, vans le lauter khetne lino gar phareder har i dourho.

Gosewe laba 10:15

O bravlepen i bravelestar hi leske har i zorelo kheer. I bibarht o čorvelestar hi leskro čorvlepen.

Gosewe laba 11:28

Kova, kay čivell peskro dji ap peskro bravlepen, merell tele har patria. Kolenge, kay krenn o čačepen, djal mishto har i zenelo rouk.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Ezekiel 28:5

Bari gosvepah paral tiro koova oun val bravelo oun bravleder. Tiro tselo bravlepen kras tout pre-phourdo.

Markus 10:23

Oun o Yezous dikas troul peste oun penas ap peskre malende: “Har pharo hi i bravelenge, te venn le ap o Debleskro drom!”

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Kolossarja 3:5

Ma krenn bouder kova, hoy kran an t'maro phouro djipen: Ma loubrenn trouyel! Ma krenn djoungelo oun vi-ladjedo koova! Ma moukenn čilačo koova an t'maro shero trouyel te djal! Ma nashenn pal i love! Koon pal i love nashella, koleske hi peskre love har leskro devel.

1. Timoteo 6:10

Koon pal i love hi, perell an hako čilačepen. His menshe koy, kay kaman i love yaake boud, kay peran le o Debleskro dromestar tele, oun doukran pen kokres.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.