Hiob 30:30 - O Debleskro Lab 2024 (Sinte-Manouche)

³⁰ Miri hauta vas kalo ap mande, oun perell mandar tele. Oun o fibro rhačell an mire kokale.

O Debleskro Drom 2021 (Sinte)

³⁰ Miri hauta was kalo ap mande, un perell mandar tele. Un o fibro chatchell an mire kokale.

Hiob 30:30 ပူးပေါင်းရင်းမြစ်များ

Hiob 17:14

Ap i grufta penau: Tou hal miro dad! Ap i kirme: T'mer han miri day oun mire phenya.

Hiob 2:7

Kote djas o beng vin o baro Deblestar, oun das o Hiobes i djoungelo nasslepen ap peskro mass, hoy rhandjras oun doukas leske foun o shero bis tele pash i pire.

Hiob 30:17

Rati dell i douk čourye an mire kokale. oun koy douk, hoy man rhal, sovell gar.

Debleskri gili 102:3

Ma dja krik mandar ap kava dives, kay mange ropaske hi! Risse tout pash mande ap kava dives, kay ap toute gole dau! Shoun man sik!

Debleskri gili 102:4

Mire divessa djan trouyel har i tampa hoy djal dran i yag pre. Mange hi tato, har vals i yag an mande.

Debleskri gili 119:83

Me perom an mande khetne har i molyakro gono, hoy pash i yag čiddo hi. Ninna te hi man bouder kek zoor, bistrau me gar, hoy tou mandar kameh.

Ropaskre gilja 1:13

Yob bičras i yag dran o bolepen an mire kokale, hoy an mande rhačell. Yob čivas i netsa vin, te taprenn pen mire pire dren, oun moukas man ap o doumo te perell. Yob moukas man kokres čiddo. O tselo tsiro hom nasselo.

Ropaskre gilja 3:4

Yob kras miro mass oun miri hauta phoures, oun mire kokale phagas lo an mande khetne.

Ropaskre gilja 4:8

Kanna hi lengre sherya kalo har yagakri čik. Kek prindjrell len bouder ap o drom. Lengri hauta tserdas pes khetne ap lengre kokale, oun hi trouk har i kotar kasht.

Ropaskre gilja 5:10

Har te hams an i bob, rhačell mari hauta koy bari bokatar.

Habakuk 3:16

Har sikras man o Devel kova lauter, trissom me. Har shounom leskro rakepen, trissas miro mouy. I traash djas mange an i kokale, oun nashte homs bouder gar ap mire herya tardo. Me kamau ap ko dives te dikell, kay vell koy bibarht pral kol menshende, kay djan ap mende pre.