Hiob 3:14 - O Debleskro Lab 2024 (Sinte-Manouche)

¹⁴ Palle voms čiddo mank i bare rayende oun pralstunende ap kay phoub, kay kran pen shoukar moulengre khera.

O Debleskro Drom 2021 (Sinte)

¹⁴ Palle woms tchiddo mank i bare rajende un pralstunende ap kai phub, kai kran pen shukar mulengre khera.

Hiob 3:14 ပူးပေါင်းရင်းမြစ်များ

1. Rajengro liil 11:43

Oun o Salomo meras oun vas paskedo pash peskre phourende an o Davideskro foro. Oun leskro čavo, o Roboam, vas o baro ray pal leste.

1. Rajengro liil 2:10

Oun o David meras oun vas paskedo an o foro Yerusalem.

Hiob 12:17

Kol pralstoune, hoy i rayenge penenn, hoy te krenn le, kolendar lell lo lengro gosvepen krik, oun krell i čačepangre rayen dinelo.

Hiob 12:18

I pandlen kol bare rayendar anell lo dran o pandepen vin, oun anell i bare rayen an o pandepen.

Hiob 15:28

Oun yob djivell an moukle forya, an khera, hoy khetne perenn, kay kek hounte djivell.

Hiob 30:23

Me djinau kanna, tou kameh man an o moulengro them te anell, kay i tsele djide khetne venn pal lengro merepen.

Debleskri gili 49:14

Dikenn har kolenge djala, kay hi yaake dinelo oun kamenn pengro rakepen te shounell!

Debleskri gili 89:48

Tou djineh, har tikno miro djipen hi. Ma biste, har sik i mensho bouder gar kay hi! Tou kokres kral les yaake.

Sikepaskro 8:8

O menshes hi kek zoor, te nay rikrell lo o phourdepen pre. Oun les hi kek zoor pral ko dives, kay merell lo. Ninna glan o kourepen nay nashell peske kek. Oun peskro čilačo koova nay lell gar o čilačes vin dran i bibarht.

Jesaja 14:18

I tsele themengre raya van shoukar paskedo, hakeno an peskro moulengro kheer.

Jesaja 22:16

Koneske rikreh tout? Oun koon dell tout o čačepen, te moukeh tou touke kate i moulengro kheer te krell, oun moukell les an i baro bar vin te dell, yek kheer, hoy baro hi oun dour an i bar djal.

Jesaja 5:8

Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jesaja 58:12

Oun tire menshe čivenn pale kol phoure forya pre, hoy boud bersha paash dino koy čiddo his. Ava, yon krenn kol phoure massourya neves, kolen tire phoure menshe koy čivan glan i rah tsiro. Oun tou veh kharedo: Kova, kay phagede massourya pale pre tardo čivell, oun kova, kay i dromma kote pale tseles krell, kay i menshe djivenn.

Ezekiel 26:20

Oun vitsrau tout tele pash kolende an o moulengro them, pash kol menshende, kay meran glan i rah tsiro. Dour tella an i phoub, pash kova, hoy kol phoure foryendar pral ačas, hoy tele djan, dau tout i platsa pash i moulende. Yaake nay djivell bouder kek an toute. Tou veh bouder kek foro ap i phoub, kay i djide djivenn.