Hiob 29:16 - O Debleskro Lab 2024 (Sinte-Manouche)

¹⁶ O čorveleske homs me har i dad, oun lom koleskro koova an o vast, kay i vi-themari his.

O Debleskro Drom 2021 (Sinte)

¹⁶ O tchorweleske homs me har i dad, un lom koleskro koowa an o wast, kai i wi-themari his.

Hiob 29:16 ပူးပေါင်းရင်းမြစ်များ

1. Mose 39:19

Har o Potifar kol laba peskri romyatar shounas, har yoy penas yaake kras tiro boudepaskro mantsa, vas yob an i bari rholi.

2. Samuel 14:8

Koy penas o baro ray ap koy romyate: “Dja khere! Me krau ko koova touke.”

Ester 2:7

Oun pash o Mordekay djivas i terni čay, i Hadassa, kay ninna Ester kharedo vas. Yoy his leskro kakeskri čay, oun lat his bouder kek dad oun kek day. Oun yoy his i shoukar oun rayli čay. Oun har lakro dad oun lakri day meras, las o Mordekay lat pash peste oun vas lake har lakro dad.

Hiob 24:4

Yon tradenn i čorvelen o dromestar tele. Oun kolen či hi, kolla hounte khatrenn pen lendar.

Hiob 30:25

Me rovom kolenge, kay len save phare divessa his. Oun miro dji doukas, har dikom ko čorveles.

Hiob 31:18

Foun tiknes pre dom me ap lende yak, har te voms me lengro dad. Oun miro tselo djipen vom kol djouvyenge ap i rig, kolengro rom meras.

Hiob 31:31

Na-a, lauter kay pash mande djivenn, djinenn, hakeno, kay pash mande vas, las lačes oun doha te rhal.

Hiob 31:32

Kolla, kay ap pengro drom pash miro voudar van, kolenge krom me pre. Kek vi-themari hounte sovas vin ap o drom.

Hiob 4:3

Tou sikral boud menshen o čačo drom, oun kral khine vasta pale zoreles.

Debleskri gili 68:5

Givenn o Debleske! Bashrenn oun hadenn leskro lab! Krenn leske i drom, koleske, kay oulerell ap o bolepen. Baro Devel hi leskro lab. Avenn barhtelo oun givenn glan leste!

2. Mose 18:26

Kolla rakran pral i menshende o čačepen vin. Pral i tikno čingepen rakran yon kokres o čačepen vin. Oun o bareder koova anan le glan o Mose.

Gosewe laba 25:2

O Devel vell sharedo koleske, hoy yob khatedo rikrell. O baro ray vell sharedo koleske, hoy yob pre čakrell.

Gosewe laba 29:7

Kova, kay an o čačepen tardo hi, kova dell ninna yak, te lell o čorvelo peskro čačepen. I čilače djinenn gar, hoy čačo hi.

Jesaja 22:21

Oun rivau les an tiri kouč baya, oun tiro pereskro pandepen čivau leske trouyel. Oun lauter, pral kova tou ray hals, dau an leskro vast, te vell lo har i dad kolenge, kay an Yerusalem djivenn oun o tselo khereske Youda.

Efesarja 5:1

T'mer han o Debleskre čave. Oun yob kamell t'men i tselo djiyeha. Doleske krenn lauter yaake, har o Devel kova krella,

5. Mose 13:14

te hi kote či-molde, kay anan vavaren o čačo dromestar tele oun penan: Avenn, mer djas oun mangas vavar deblen an, kolen t'mer gar prindjrenn,

Jakobo 1:27

Kanna penau t'menge, hoy o Devel, maro dad, kamella, oun hoy hi lačo glan leskre yaka: Krenn lačepen i čorvele djouvyenge, kolen kek rom bouder hi! Krenn ninna lačepen kol čorvele čavenge, kolen kek dad oun day bouder hi! Ma moukenn t'men dren an ko čilačo koova, hoy i menshe ap kay phoub krenna.