Hiob 29:14 - O Debleskro Lab 2024 (Sinte-Manouche)

¹⁴ Hako tsiro krom, hoy čačo hi. Oun miro čačepen his ap mande, har te vals lo miro ripen oun miri stadi.

O Debleskro Drom 2021 (Sinte)

¹⁴ Hako tsiro krom, hoi tchatcho hi. Un miro tchatchepen his ap mande, har te wals lo miro ripen un miri stadi.

Hiob 29:14 ပူးပေါင်းရင်းမြစ်များ

Hiob 27:5

An kek tsiro kamau, te dap t'men čačes. Bis te merau, penau me: Kek doosh anom ap mande.

Hiob 27:6

Me hom an o čačepen. Ap kova rikrau man zoreles, oun ačau koy pashel. Kek dives penell miro dji mange: Kova hoy kral, his gar mishto.

Hiob 31:36

Čačepah me hadaus kava liil ap miri phik pre, oun hidjraus les har i rayeskri stadi ap miro shero.

Debleskri gili 119:121

Me krau o čačepen, oun djau o čačo drom. De man gar an o vast kolendar, kay kamenn ap mande pre te djan.

Debleskri gili 132:9

Čip o čačepen pral tire rashaya har i ripen! Mou denn tire menshe gole i barhtyatar!

Jesaja 28:5

Ap ko dives hi o baro Devel, ko ray pral o bolepen oun i phoub, har i shoukar rayeskri stadi oun shereskro sonakay kolenge, kay pral ačan leskre menshendar.

Jesaja 59:17

Oun yaake har rivell i lourdo i sasterno gad an, yaake rivell yob o čačepen an. Oun yaake har i lourdo i sasterni stadi ap peskro shero čivell, yaake čivell yob o kourepaskri barht ap peste. Leskri rholi hi har i plaashka ap leste, te dell lo kolende pengri phagi, kay i vavarenge čilačepen kran.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jesaja 62:3

Oun tou veh har i kouč rayeskri stadi an o baro Debleskro vast, ava, i rayeskro shereskro an tiro Debleskro vast.

Zakarie 3:5

Oun yob penas: “Čivenn i djoudjo shereskro pandepen ap leskro shero!” Oun yon čivan i djoudjo shereskro pandepen ap leskro shero, oun rivan leske djoudje koola an. Oun o bolepaskro o baro Deblestar his koy pashel tardo.

Remarja 13:14

Djivas yaake har maro ray, o Yezous Kristo, djivas! Te kamell o djoungelo koova an t'maro shero te vell, palle penenn: Na-a!

2. Korintarja 6:7

Mer penah i menshenge o Debleskro čačepen oun rakrah dran leskri zoor. Kova, hoy krah oun rakrah, hi čačo. Yaake hi maro djipen oun maro rakepen har i rharo, koleha i kourepaskro kourell pes peskro rayeske.

Efesarja 6:14

Avenn yaake rido har i kourepaskro, kay djal an o kourepen! Troul leskro per hi i pessi zoreli dori, oun ap leskro beč i sasterno gad. Ap peskre pire rivell lo zorele kirrha. Glan leste rikrell lo i bourhli sasterni patri. Ap leskro shero hidjrell lo i sasterni stadi oun an leskro čačo vast i rharo. Djivenn an o čačepen! Kova hi yaake har te pandan i pessi zoreli dori troul t'maro per. Krenn kova, hoy hi mishto oun lačo! Kova hi har i sasterno gad ap t'maro beč.

5. Mose 24:13

Te djal o kham tele, dess tou les kova pale, te nay čivell lo pes tele an peskri plaashka, oun yob rakrell barht pral toute vin. Oun yaake hal tou an o čačepen tardo glan tiro baro Debleste.

1. Tessalonikarja 5:8

Mer djivah ap o dives. Doleske das yak, har te djivas! Yaake har i kourepaskro rivell i sasterno gad ap peste, te nay doukrell les kek, yaake rivas mer o patsepen oun o kamlepen ap mende har i ripen. I kourepaskro čivell ninna i sasterni stadi ap peskro shero, te doukrell les kek ap leskro shero. Yaake nay doukrell men kek, te dikah mer ap o Yezous Kristeste, oun djinah zoreles, te lell men o Yezous Kristo dran o čilačepen oun o merepen vin.

Debleskro tsiro 19:8

Oun yoy las i shoukar ripen dran djoudjo parno than. Ko lačo parno ripen hi o čačo koova, hoy o Debleskre menshe kran.