Hiob 27:20 - O Debleskro Lab 2024 (Sinte-Manouche)

²⁰ I daar vell pral leste har i zorelo pani. An i rat lell les i bari phourdepen peha.

O Debleskro Drom 2021 (Sinte)

²⁰ I daar well pral leste har i sorelo pani. An i rat lell les i bari phurdepen peha.

Hiob 27:20 ပူးပေါင်းရင်းမြစ်များ

2. Rajengro liil 19:35

Oun an koy rati vas o baro Debleskro bolepaskro kote, kay i lourde dran o them Assour sovan, oun maras 185.000 (sheel-orhta-deesh-te panč zerya) morsha lendar. Oun har le taysarlakro pre stan, his kote lauter moule čiddo.

Hiob 15:21

An leske kanda shounell lo i gole, hoy krell leske daar. An ko tsiro, kay leske lačes djal, vell o marepaskro pral leste.

Hiob 18:11

Troul leste trouyel vell haki rigyatar bari traash, oun lell les palla, kay yob ninna stakrell.

Hiob 20:23

Ap ko tsiro, kay krell lo peskro per pherdo, bičrell o Devel peskri zoreli rholi ap leste, oun moukell lat har brishin tele ap leste te perell.

Hiob 20:8

Yob djal krik har i souni, oun vell bouder gar hatslo. Har kova, hoy yek souni das, bouder gar koy hi, yaake ačell či lestar.

Hiob 21:18

oun phourdas les krik, har phourdell i dourho o phouss krik, oun har hidjrell i zorelo phourdepen o čik krik.

Hiob 22:16

Kolla meran, har his le gomme gar phouro – van krik thodo har i kheer i zorelo panyestar.

Hiob 24:18

O čilačo vell sik krik hidjedo har i patri ap o pani. Ap leskro kotar phoub hi i praasepen čiddo. Pash peskre drakengre rouka djal lo bouder gar.

Hiob 34:20

Ap yek kopo merenn le. Mashkral an i rat trissenn le oun hi gar bouder. Kol zorele venn krik lino kek mensheskro vasteha.

Debleskri gili 18:4

Me sharau o baro Debles! Te dau ap leste gole, lell lo man vin dran i vasta kolendar, hoy mange čilačepen kamenna.

Debleskri gili 42:7

Kanna, mo Devel, rovell miro dji. Doleske dikau ap toute kote, kay hom: an o them pash o pani Yordan, pash i berge Hermon oun Misar.

Debleskri gili 83:16

Biče i baro phourdepen oun trade len krik! Kre lenge daar tiro zorelo dourheha!

Debleskri gili 90:5

Har i lengsto pani sik doureder nashell, yaake moukeh mare divessa doureder te nashell. Maro djipen hi tikno har i sopen. Mer ham har i zenlepen, hoy taysarlakro dran i phoub vell,

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

Daniel 5:30

An kay rat vas o Belsazar, ko baro ray pral o them Babilonia, maredo.

Jona 2:3

oun penas: Me dom gole ap o baro Debleste an miri traash, oun yob rakras mantsa. Har kras o merepen peskro mouy pre, te rhal lo man, kharom tout, oun tou shounal mire laba.