Hiob 27:16 - O Debleskro Lab 2024 (Sinte-Manouche)

¹⁶ Ninna te las yob peske yaake boud roup khetne har čik, oun boud boud koola an-ripaske,

O Debleskro Drom 2021 (Sinte)

¹⁶ Ninna te las job peske jaake bud rup khetne har tchik, un bud bud koola an-ripaske,

Hiob 27:16 ပူးပေါင်းရင်းမြစ်များ

1. Rajengro liil 10:27

Oun o baro ray kras, te his an o foro Yerusalem yaake boud roup har barra. Oun i cedertikre rouka his yaake boud har i divye faygetikre rouka an o telstouno them.

Ester 8:1

Ap ko dives das o baro ray, o Ahasveros, i ranyate Ester ko kheer, hoy his o Hamanes, kay i bibolden kamas te marell. Oun i Ester penas o baro rayeske, kay o Mordekay lakro kako hi. Oun o baro ray moukas les glan peste te vell.

Hiob 15:29

Yob ačell gar bravelo. Leskro bravlepen ačell gar. Kova, hoy les hi, vell gar bareder ap kay phoub.

Hiob 20:10

Leskre čave hounte denn kova pale, hoy lengro dad i čorvelendar čoras.

Hiob 22:24

Te hi touke tiro sonakay gar boudeder moldo har čik, tiro lačeder sonakay gar boudeder har kol barra an i tikne panya,

Hiob 27:15

Kolla lendar gomme pral ačenn, kolen marell i djoungelo nasslepen. Oun lengre romya nay rovan gar pral pengre moule romende.

Hiob 27:17

vell i vavar, yek, kay an o čačepen tardo hi, oun hidjrell kol koola. Oun ko roup lenn kolla, ap kolende kek doosh hi.

Hiob 3:15

Voms čiddo mank i pralstunende, kolen sonakay his, oun kolengre khera pherdo roup his.

Gosewe laba 13:22

Kova, hoy i lačo morsh pale moukell, vell doureder dino leskre čavende oun čavengre čavende. O bravlepen kolestar, kay an o čilačepen djivas, lell kova, kay an o čačepen tardo hi.

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Habakuk 2:6

O dives vell, kay givenn kolla lauter i sapaskri gili pral koleste, kay rikras len tele, oun rakrenn laba, kolentsa yon pral leste san. Yon penenna: Djungeles djal touke, kay leh touke, hoy gar tiro hi! Har rah kameh yaake doureder te krell, oun bravelo te vell ko koveha, hoy kolla hounte denn tout, kolen siyaan pash toute hi?

Zefanja 1:11

Rovenn, t'mer parepangre, kay djivenn an o telstouno kotar o forestar! Kol tsele bikepangre, kay kote pengre love krenn, hounte merenna.

Zakarie 9:3

I menshe an Tirus kran penge zorele massurya, oun lan yaake boud roup oun sonakay khetne har čik ap o drom hi.

Mateo 6:19

Anenn t'menge kek bravlepen ap i phoub khetne! Kote hi i kirme, hoy i ripya rhana. Koy krell o pani o saster paash. Kote hi i čorepangre, kay čorenn t'maro bravlepen.

Jakobo 5:2

T'mer nashrenn t'maro bravlepen. Oun t'mare ripya rhan i kirme.