Hiob 21:31 - O Debleskro Lab 2024 (Sinte-Manouche)

³¹ Kek penell o čilačeske an o mouy dren, havo djoungelo koova yob kras. Kek dell les ko čilačepen pale, hoy lo ap i vavarende kras.

O Debleskro Drom 2021 (Sinte)

³¹ Kek penell o tchilatcheske an o mui dren, hawo djungelo koowa job kras. Kek dell les ko tchilatchepen pale, hoi lo ap i wawarende kras.

Hiob 21:31 ပူးပေါင်းရင်းမြစ်များ

Hiob 21:19

T'mer penenn, te anell o Devel i phagi pral i čavende ko čilačestar. Me penau: Yob hounte dals koy phagi koleste, kay čilačo koova kras, te hayvell yob kova,

Hiob 21:30

Ap ko dives, kay vell i bibarht, kay vell o Debleskri rholi pral i menshende, ačell o čilačo djido.

Hiob 21:32

Ap ko dives, kay vell lo ap o handako anlo, denn morsha yak ap leskri grufta.

Hiob 41:11

Dran leskro mouy vell yag, ava, yagakre kotya denn vin karye.

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Jesaja 59:13

Mer phagam maro baro Debleha, djivam har te prindjrams les gar, oun peram lestar tele. Kram i vavaren tiknes maro rakepah, oun phoukram ap lende. Lam men rhorhepen glan oun rakram rhorhepen.

Bičepangre 24:25

Oun o Paulo penas lenge, te hounte rikrenn le pen ap o Debleskro čačepen, te krenn le kek vi-ladjedo koova, oun te vell ko tsiro, kay hakeno glan o Debleste tardo hounte vell. Oun o Felix las traash, oun penas ap o Pauleste: “Kava kopo nay djah tou. Oun te hi man tsiro, moukau tout pale gole te dell.”

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Galatarja 2:11

An ko tsiro, har o Kefas an o foro Antiochia his, rhas yob kol patslentsa, kay kek bibolde hi. Koy van patsle bibolde koy pashel dran o Yakobeskri kangri. Kolla rikran pen ap o Moseskre laba oun rhan gar kolentsa, kay kek bibolde hi. Oun o Kefas trashas lendar, oun tserdas pes pale, oun kamas bouder gar kol patslentsa khetne te vell, kay kek bibolde hi. Koy penom me leske an o mouy, kay kova gar mishto hi, hoy yob kras.

5. Mose 7:10

Oun kolen, kay kamenn lestar či te djinell, dell lo i phagi, oun marell len sik. Kek tsiro moukell lo pes, te anell lo lenge lengro čilačepen pale ap lengre sherya.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.