Hiob 20:27 - O Debleskro Lab 2024 (Sinte-Manouche)

²⁷ O bolepen rakrell vin, havi doosh yob ap peste anas, oun i phoub hadell pes oun penell: Tou hal čilačo.

O Debleskro Drom 2021 (Sinte)

²⁷ O bolepen rakrell win, hawi doosh job ap peste anas, un i phub hadell pes un penell: Tu hal tchilatcho.

Hiob 20:27 ပူးပေါင်းရင်းမြစ်များ

Hiob 16:18

Me hom har i morsh, kay vas maredo. I phoub te khatrell gar miro rat, te vell leskri gole hako tsiro shounlo.

Hiob 18:18

I phoubyatar, kay i djide djivenn, vas lo tradedo an ko tamlo them, kay i moule hi.

Jesaja 26:21

O baro Devel vell dran peskro kheer vin, te anell lo o čilačepen pale ap i sherya kolendar, kay o čilačepen kran. Palle vell o rat kolendar diklo, kay maredo van. Oun i phoub khatrell len bouder gar.

Jeremia 29:23

Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Remarja 2:16

Lauter kova, hoy an o mensheskro dji hi, vell diklo ap ko dives, kay hi o Yezous Kristo o čačepaskro ray oun rakrell o čačepen vin pral i menshende. Yaake penell les o Debleskro lab, hoy me i menshenge penau.

1. Korintarja 4:5

Dran kova penau, ma penenn yekestar: Kova krell peskri boudi gar mishto. Kanna hi gar o čačo tsiro, te rakrenn yaake. Ap ko dives, kay vell maro ray Yezous pale, sikrell lo halauteren, hoy kanna khatedo hi. Oun lauter, hoy an o dji dren hi, vell palle diklo. Oun palle vell hakeno sharedo o Deblestar pal koy boudi, hoy yob kras.

5. Mose 31:28

O Mose penas doureder: “Penenn, te venn i phoureder dran t'mare familye oun t'mare pralstoune kate pash mande khetne, te penap kay gili glan lengre kanda. Oun ap o bolepen oun ap i phoub dau me gole, te shounenn yon, hoy vella pral t'mende, te moukenn t'mer man.