Hiob 19:13 - O Debleskro Lab 2024 (Sinte-Manouche)

¹³ Yob rikras mire phralen dour mandar krik. Oun kolen, kay me lačes prindjrom, krenn yaake, har prindjrans le man gar.

O Debleskro Drom 2021 (Sinte)

¹³ Job rikras mire phralen dur mandar krik. Un kolen, kai me latches prindjrom, krenn jaake, har prindjrans le man gar.

Hiob 19:13 ပူးပေါင်းရင်းမြစ်များ

Hiob 16:20

Mire mala sanenn pral mande. Mire yaka hi pherde sva, har dikau me pre pash miro Debleste.

Hiob 16:7

Čačepah, o Devel las mange miri zoor krik. Tou, miro Devel, lal mange miri tseli familya krik!

Hiob 42:11

Oun leskre tsele phrala oun phenya oun kolla, kay les glan ko tsiro prindjran, van pash leste, oun rhan khetne leha, oun rakran lačes leha, oun penan har koy bibarht lenge doukas, hoy moukas o baro Devel pral leste te vell. Oun hakeno das les i sonakaskri bema oun i goustri.

Hiob 6:15

Mire mala sikran pen, te hi le rhorhene. Har panya hi le, kay trouk venn.

Hiob 6:20

Oun har venn le kote, his lauter čičeske: Kek pani hi koy.

Debleskri gili 31:11

I daar rhas miro djipen pre, oun mire bersha his pherdo ropen. Miri doosh lell miri zoor mandar, yaake te djap bango.

Debleskri gili 31:12

Kolla, kay mange čilačepen kamenn, san pral mande. Gomme djoungleder kran mange kolla, kay djivenn langs mande. Mire mala trashenn mandar. Te dikenn le man ap o drom, nashenn le penge mandar.

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 38:12

Mire mala oun mire menshe darenn glan miro nasslepen. Oun kolla, kay pash mande djivenna, hi dour mandar krik tardo.

Debleskri gili 41:9

“I bibarht hi ap leste”, penenn le. “Koon yaake čiddo hi, stell bouder gar pre.”

Debleskri gili 69:20

Tou prindjreh i ladj, hoy ap mande peras, tou djineh, har yon man praasan oun pal mande rakran. Kolla, kay mange o djipen phares krenn, hi lauter glan tire yaka.

Debleskri gili 69:8

Dran toute hi i bari ladj ap mande, oun miro shero hi lolo i ladjatar.

Debleskri gili 69:9

Vom har i gadjo mire phralenge. I čave miri datar prindjrenn man bouder gar.

Debleskri gili 88:18

Yon venn ap mande haki rigyatar, har baro divyo pani hi le troul mande o tselo dives.

Debleskri gili 88:8

Tiri rholi hi phares ap mande čiddo, oun yaake har boud pani yekes tele tserdell, tserdeh tou man tele.

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.