Hiob 14:12 - O Debleskro Lab 2024 (Sinte-Manouche)

¹² Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

O Debleskro Drom 2021 (Sinte)

¹² Jaake hi ko mensho, kai tchiwell pes tele un merell. Job stell gar buder pre. Jaake rah har o bolepen koi hi, well lo buder gar djangelo, un kek djangrell les pre dran peskro sopen.

Hiob 14:12 ပူးပေါင်းရင်းမြစ်များ

Hiob 3:13

Te voms moulo, voms koy čiddo, oun sovoms, oun voms pokones.

Hiob 30:23

Me djinau kanna, tou kameh man an o moulengro them te anell, kay i tsele djide khetne venn pal lengro merepen.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Hiob 7:9

Yaake har i folka ap yek kopo bouder gar koy hi, yaake hi o mensho, kay merell. Yob vell bouder gar pale dran o moulengro them.

Debleskri gili 102:26

Tou kral i phoub glan rah tsirya, oun tire vasta kran o bolepen.

Debleskri gili 90:5

Har i lengsto pani sik doureder nashell, yaake moukeh mare divessa doureder te nashell. Maro djipen hi tikno har i sopen. Mer ham har i zenlepen, hoy taysarlakro dran i phoub vell,

Sikepaskro 11:8

I mensho, te djivell lo boud bersha, mou vell lo barhtelo pral hako bersh, kay djivell lo. Mou bistrell lo gar, te venn kale divessa. Ninna kolla hi boud. Halauter, hoy vella, hi menge khatedo.

Sikepaskro 12:5

Tout hi traash glan i treppa. Oun ap o drom nay pereh. Tire balla venn parno. Oun tou tserdeh tout yek rigyatar ap i vavar. Tout hi bouder gar boud bok. O mensho hounte djal peske kote, kay ačell lo hako tsiro. Oun i vavar paskrenn les oun rovenn ap o drom.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Jesaja 65:17

Čačepah, me krau i nevo bolepen, oun i nevi phoub. Oun ko phouro bolepen oun koy phouri phoub hi palle bistedo, oun venn bouder gar i menshenge an o shero.

Jesaja 66:22

T'mare čave oun t'maro lab ačenn glan mande, yaake rah har o nevo bolepen oun i nevi phoub, hoy me krau, glan mande ačenna, penell o baro Devel.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Mateo 24:35

O bolepen oun i phoub ačenna gar. Mire laba ačenna hako tsiro.

Bičepangre 3:21

Yob ačell an o bolepen yaake rah, bis te vell ko tsiro, kay vella lauter neves kerdo. Kova penan menge o Debleskre rakepangre glan i rah tsiro. O Devel penas les lenge.

Remarja 8:20

Halauter, hoy o Devel kras, hounte djal paash, ninna te kamenn le kova gar. O Devel kamas kova yaake. Yaake kras lo ninna, te dikenn le ap ko tsiro,

Efesarja 5:14

Oun kova, hoy diklo vella, ačell gar an o tamlepen.

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Debleskro tsiro 21:1

Oun me dikom i nevo bolepen oun i nevi phoub. O phouro bolepen oun i phouri phoub his bouder gar koy. Oun o baro pani his bouder gar koy.