Hiob 14:1 - O Debleskro Lab 2024 (Sinte-Manouche)

¹ O mensho, boldo i djouvyatar, djivell i tikno tsiro, oun marell pes tele peskro tselo djipen.

O Debleskro Drom 2021 (Sinte)

¹ O mensho, boldo i djuwjatar, djiwell i tikno tsiro, un marell pes tele peskro tselo djipen.

Hiob 14:1 ပူးပေါင်းရင်းမြစ်များ

1. Mose 3:17

Oun ap o romeste penas o Devel: “Tou shounal ap tiri romyate oun rhal ko roukestar, kay penom touke: Ma rha kolestar. Doleske vell bibarht ap i harhetikri phoub. Tou boudress phares ap i phoub, te vell tout rhapaske, yaake rah har djiveh.

1. Mose 47:9

Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

2. Rajengro liil 4:19

oun penas ap peskro dadeste: “Miro shero, miro shero!” Leskro dad penas ap peskro boudepaskro: “An les pash leskri date!”

Hiob 10:20

Kol divessa, hoy man gomme hi, hi bouder gar boud. Mouk mandar tele, dik krik mandar, te nay vap i tikno tsiro gomme barhtelo,

Hiob 15:14

Hoy hi o mensho, te nay vals lo erligo glan o Debleste? Kek ap kay phoub hi an o čačepen tardo glan leste.

Hiob 25:4

Glan o Debleskre yaka hi kek mensho an o čačepen tardo. Kek mensho hi erligo glan leste.

Hiob 25:5

Ninna o čon oun i bolepangre momlia hi gar djoudjo glan leskre yaka.

Hiob 5:7

Dran o mensheste kokres vell i bibarht, yaake har dran i yag tikne rhačede kotya pre phourdedo venn.

Hiob 7:1

I menshe hounte boudrenn phares ap kay phoub. Pengro tselo djipen marenn le pen tele har i boudepangre, kay venn haki rati playsedo.

Hiob 7:6

Mire divessa djan trouyel yaake sik har i soub, hoy pre oun tele djal. Oun kova hoy gomme glan mande hi, nay vell či, hoy shoukar hi.

Hiob 8:9

Hi yaake har te vams boldo taysar. Mer djinah či. Maro tsiro, kay ham ap kay phoub, hi tikno har i souni.

Hiob 9:25

Miro djipen nashell sikeder krik har i naashepaskro. Hako dives djal trouyel oun anas mange kek barht.

Debleskri gili 39:5

Baro Devel, sike mande, har sik o djipen trouyel hi, oun kay miro merepen vella, te djinap, te nay ačau gar hako tsiro kay.

Debleskri gili 39:6

Miro djipen hi yaake tikno har i vast bourhlo hi. Kova hi har či pash toute. Har zorelo i mensho ninna tardo hi, leskro djipen hi har i dourho.

Debleskri gili 51:5

Ava, djinau, kay anom doosh ap mande. Oun ko čilačo koova, hoy krom, hi man o tselo tsiro glan mire yaka.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Sikepaskro 2:17

Kote his mange miro djipen bouder gar shoukar. Kova, hoy i menshe krenna ap kay phoub, hi čičeske. Halauter hi čičeske, oun yaake har te nashals yek pal o dourho, hoy djal pral i phoub.

Sikepaskro 2:23

Leskro tselo djipen hi pherde douka, oun leskro boudepen pherdo ropen. Ninna an i rati nay sovell lo gar. Kova hi ninna čičeske.

Jeremia 20:18

Hoske vom dran miro dakro per vin, te dikap ropen oun douka, oun djivap hako dives an ladj?

Mateo 11:11

Čačepah, me penau t'menge: Kek vas boldo ap kay phoub, kay hi bareder har o Yohanni. Me penau t'menge ninna: O tikneder kolendar, kay moukenn man pengro ray te vell, kova hi bareder har o Yohanni.