Hebrearja 9:9 - O Debleskro Lab 2024 (Sinte-Manouche)

⁹ I glanstouni isema sikrell mende ko tsiro, an hoy mer kanna djivah. I menshe anenn firhen, oun vavar koova o Debleske. Kova lauter nay krell lengro dji gar djoudjo. An lengro dji hayvenn le, te hi le gomme čilačo.

O Debleskro Drom 2021 (Sinte)

⁹ I glanstuni isema sikrell mende ko tsiro, an hoi mer kanna djiwah. I menshe anenn viechen, un wawar koowa o Debleske. Kowa lauter nai krell lengro dji gar djudjo. An lengro dji haiwenn le, te hi le gomme tchilatcho.

Hebrearja 9:9 ပူးပေါင်းရင်းမြစ်များ

Remarja 5:14

Ninna te dikas o Devel gar ap lengro čilačepen, hounte meran le lauter: o Adam oun kolla, kay pal leste van, bis te vas o Mose. Ninna kolla hounte meran, kay kran gar o emligo čilačo koova har o Adam. Yaake har o Adam i bibarht anas, yaake hounte vas i vavar, kay lauter mishto krella.

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Hebrearja 10:11

Hako rashay krell hako dives peskri boudi, oun marell boud kope firhen o Debleske. Kal firhe nay lenn gar i doosh i menshendar.

Hebrearja 11:19

Kolla laba van o Abrahameske an o shero oun yob penas peske: O Devel nay krell les i moulendar djido. Yaake baro his leskro patsepen ap o Debleste. Doleske das les o Devel o čaves pale, oun yob hounte maras les gar. Kova his leske yaake, har te vals lo i moulendar djido.

Hebrearja 5:1

Hako baro rashay hi dran i menshende vin rodedo, te vell lo lengro rashay glan o Debleste. Leske anenn le firhen, te anell lo len glan o Debleste, te vell lengri doosh lendar krik lino.

Hebrearja 7:11

Mer djinah, har das o Devel peskre menshende o Moseskre lila, koy penas yob ap o Leviteskre čave, te venn le rashaya. Ninna te kran yon pengri boudi yaake, har lengro dad, o rashay Aron, nay čivan le i menshen gar an o čačepen glan o Debleste. Doleske rodas o Devel i vavar rashayes vin, yek, kay krell peskri boudi yaake har o Melkisedek, oun bouder gar yaake har o Aron.

Hebrearja 8:4

Kate ap kay phoub vals lo kek rashay. Ap i phoub hi kol rashaya, kay anenn o Debleske lačo koova yaake, har an o Moseskre lila činlo hi.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.

1. Petro 3:21

Yaake har van kol orhta menshe vin lino dran o merepen, yaake djas t'menge kanna ninna, har van t'mer taufedo. Kote vas gar koy čik t'mendar tele thodo. Na-a! Koon moukell pes te taufrell, kova mangell o Debles, te dell lo les i djoudjo dji. Kova nay dell o Devel leste doleske, kay stas o Yezous Kristo i moulendar pre oun djas an o bolepen. Kanna hi lo beshdo ap i čači rig o Deblestar, oun hi o ray pral i tsele bolepangre, oun pral i tsele pralstoune oun zorele an o bolepen.