Hebrearja 9:18 - O Debleskro Lab 2024 (Sinte-Manouche)

¹⁸ Yaake van ninna an o phouro tsiro firhe maredo, har das o Devel i menshen i tsillo, kay penas lo lenge, har yon leha khetne nay venna. Oun i firhengro rat sikras, te rikrenn le pen ap kol Debleskre laba.

O Debleskro Drom 2021 (Sinte)

¹⁸ Jaake wan ninna an o phuro tsiro vieche maredo, har das o Dewel i menshen i tsillo, kai penas lo lenge, har jon leha khetne nai wenna. Un i viechengro rat sikras, te rikrenn le pen ap kol Debleskre laba.

Hebrearja 9:18 ပူးပေါင်းရင်းမြစ်များ

2. Mose 12:22

Palle lenn patria kol kashtestar, hoy kharella Hysop, oun rikrenn len an ko čaro, hoy o rat dren hi! Oun makenn lentsa o rat vin pral o voudar oun ap kol douy kashta, hoy čačes oun serves pash o voudar hi! Oun kek t'mendar djal dran o voudar vin koy tseli rati.

3. Mose 8:24

Palle moukas lo o Aroneskre morsh čave te vell. oun makas ko ratestar tella ap lengro čačo kand, ninna ap o pesso goushto ap lengre čače vasta, oun ap o baro tsebo lengre čače pirendar. O tselo vavar rat čoras o Mose troul i rhačepaskri vin.

Hebrearja 9:14

kitse zorleder hi o Yezous Kristeskro rat. O Debleskro Dourho, kay djivella hako tsiro, das o Yezous Kristeste i zoor, te nay das lo peskro djipen an o merepen. Oun yob meras o Debleske yaake har i bakro, ap koleste kek doosh hi. Kova kras lo, te lell lo mari doosh mendar, yaake te djivas mer bouder gar pal kol laba, hoy či moldo hi oun i menshe an o merepen anenna. Kanna hi maro dji djoudjo, oun mer nay vah čačepah o djido Debleske koy.

Hebrearja 9:19

Kova lauter djas yaake: O Mose penas i menshenge kol laba, hoy an ko liil tardo hi, kay činlo hi, har te djivenn le. Palle las lo i groumyengro rat oun i bakrengro rat, das pani pashel, oun las i kasht, hoy kharella Hysop, pandas lole bakrengre balla pral pre, oun čivas ko kasht i ballentsa an o rat, oun čoras ko rat ap ko liil oun ap kol menshende,

Hebrearja 9:22

Hi gar boud koova, hoy vell gar o rateha djoudjo oun erligo kerdo. Yaake hi an o Moseskre lila činlo. Oun te vell kek rat vin čoredo, nay vell kek doosh krik lino.