Hebrearja 9:1 - O Debleskro Lab 2024 (Sinte-Manouche)

¹ An ko phouro tsiro, har o Mose i menshenge penas, har djan le ap o Debleskro drom, koy penas lo lenge ninna, har te boudrenn le o Debleske an leskro kheer, oun ninna, har te krenn le leske i kheer ap i phoub, kay mangenn le les an.

O Debleskro Drom 2021 (Sinte)

¹ An ko phuro tsiro, har o Mose i menshenge penas, har djan le ap o Debleskro drom, koi penas lo lenge ninna, har te budrenn le o Debleske an leskro kheer, un ninna, har te krenn le leske i kheer ap i phub, kai mangenn le les an.

Hebrearja 9:1 ပူးပေါင်းရင်းမြစ်များ

2. Mose 25:8

Kamau lendar, te krenn le mange i kheer, te djivap nay mashkral lende.

Ezekiel 43:11

Te khaytenn len kova čačepah, hoy le kran, palle sike len, har o kheer vi-dikell oun kerdo hi, leskre dromma oun voudya oun halauter, hoy koy pashel hi. Pen lenge, hoy yon hounte krenn, oun hoy lendar kamau, te mangenn le man kate an kava kheer an. Oun čin kova glan lengre yaka an i liil, te hayvenn le halauter, hoy oun har le čomone hounte krenn, te rikrenn le pen ap kova, oun krenn yaake!

3. Mose 18:30

Doleske, djivenn yaake har me t'menge penom! Ma krenn ko pale-čiddo koova, hoy kolla kran, kay glan t'mende kate his! Ma krenn t'men savo koveha pale-čiddo! Me, o baro Devel, hom t'maro Devel.

3. Mose 22:9

I rashaya hounte rikrenn halauter, hoy lenge penom, te lenn le kek doosh ap pende, oun merenn doleske, kay djan le gar o Debleskro koova yaake trouyel, har hounte krans le. Me hom o baro Devel, oun rodom len vin, te venn le mire rashaya.

4. Mose 9:12

Oun yon hounte moukenn či čiddo pral i rat. Vitar kek kokalo hounte vell phagedo. Oun halauter hounte vell yaake kerdo har pash o Passa, hoy rhan le ap o čačo tsiro.

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Remarja 9:4

Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

Hebrearja 8:13

Te penell o Devel kate: Me krau i nevo drom, yaake hi kova, hoy yob o Moseha vin kras, i phouro drom. Oun kova, hoy hi phouro oun bouder či moldo, vell krik lino.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.

Hebrearja 8:7

Te nay vams ap o phouro drom pash o Debleste, hounte rodals o Devel kek nevo drom.

Hebrearja 9:24

Kova hi o Yezous Kristo. Yob djas gar an o Debleskro kheer, hoy i menshe kran, oun hoy sikrell mende kokres i tikno kotar ko čačo Debleskro kherestar an o bolepen. Na-a, yob djas an o bolepen glan o Debleste, te mangell lo les menge.