Hebrearja 8:7 - O Debleskro Lab 2024 (Sinte-Manouche)

⁷ Te nay vams ap o phouro drom pash o Debleste, hounte rodals o Devel kek nevo drom.

O Debleskro Drom 2021 (Sinte)

⁷ Te nai wams ap o phuro drom pash o Debleste, hunte rodals o Dewel kek newo drom.

Hebrearja 8:7 ပူးပေါင်းရင်းမြစ်များ

Galatarja 3:21

Penenn o Moseskre laba, kay hi ko lab bouder či moldo, hoy o Devel o Abrahameske penas? Na-a! Kova hi gar yaake. Te vals o nevo djipen dran o Moseskre laba, palle vals čačepah ko mensho čačo glan o Debleste, kay rikrell pes ap kol laba. Kova hi gar yaake.

Hebrearja 7:11

Mer djinah, har das o Devel peskre menshende o Moseskre lila, koy penas yob ap o Leviteskre čave, te venn le rashaya. Ninna te kran yon pengri boudi yaake, har lengro dad, o rashay Aron, nay čivan le i menshen gar an o čačepen glan o Debleste. Doleske rodas o Devel i vavar rashayes vin, yek, kay krell peskri boudi yaake har o Melkisedek, oun bouder gar yaake har o Aron.

Hebrearja 7:18

Yaake čivas lo kol phoure laba, hoy o Mose i menshenge penas, ap i rig. An kol laba his kek zoor. Oun yon his či moldo.

Hebrearja 8:6

Maro baro rashay hi o Yezous. Koleste das o Devel i feteder boudi har kol rashayende ap i phoub. Yob hi ninna maro rakepaskro, kay kras menge i nevo drom, kay nay vah pash o Debleste. Kava nevo drom hi feteder har o phouro drom, hoy o Mose sikras. Ap kava nevo drom djivah nay čačepah o Debleha khetne, yaake har yob kova menge penas.