Hebrearja 8:6 - O Debleskro Lab 2024 (Sinte-Manouche)

⁶ Maro baro rashay hi o Yezous. Koleste das o Devel i feteder boudi har kol rashayende ap i phoub. Yob hi ninna maro rakepaskro, kay kras menge i nevo drom, kay nay vah pash o Debleste. Kava nevo drom hi feteder har o phouro drom, hoy o Mose sikras. Ap kava nevo drom djivah nay čačepah o Debleha khetne, yaake har yob kova menge penas.

O Debleskro Drom 2021 (Sinte)

⁶ Maro baro rashai hi o Jesus. Koleste das o Dewel i feteder budi har kol rashajende ap i phub. Job hi ninna maro rakepaskro, kai kras menge i newo drom, kai nai wah pash o Debleste. Kau newo drom hi feteder har o phuro drom, hoi o Mose sikras. Ap kau newo drom djiwah nai tchatchepah o Debleha khetne, jaake har job kowa menge penas.

Hebrearja 8:6 ပူးပေါင်းရင်းမြစ်များ

Jeremia 50:5

Yon poučenn pal o drom ap i berga Sion, kote kamenn le te djal: “Avenn, te kras men ap o drom pash o baro Debleste! Mer kamah pale leskre menshe te vell, oun yob te vell maro Devel! Kova te ačell yaake hako tsiro, mer kamah les gar te bistrell.”

Louka 22:20

Pal o rhapen las lo o khoro oun penas: “Kay mool an kava khoro hi miro rat, hoy t'menge ratau. Yaake krau i nevo drom, kay o Devel oun i menshe mala venna.”

Remarja 9:4

Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

1. Timoteo 2:5

Hi yek Devel i tsele menshenge. Oun hi yek rakepaskro, kay anell o Debles oun i menshen khetne. Kova hi ko mensho Yezous Kristo.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 7:22

Yaake vas o Yezous kova, kay nay anell men čačepah pash o Debleste. Kova nay kras o Mose gar.

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.