Hebrearja 8:5 - O Debleskro Lab 2024 (Sinte-Manouche)

⁵ Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

O Debleskro Drom 2021 (Sinte)

⁵ Ko kheer, kai jon budrenna, un kowa, hoi jon krenna, sikrell men i tikno kotar dran koi tseli budi, hoi krell maro baro rashai, o Jesus Kristo, an o bolepen. Kowa dikah kanna gomme gar lauter. Har kras o Mose o Debleske i kheer dran viechengre balla an o mulo them, penas o Dewel leske, har te krell lo les un penas: Kowa lauter, hoi tu kreh, kre jaake, har me sikrom les tute ap i berga!

Hebrearja 8:5 ပူးပေါင်းရင်းမြစ်များ

1. Familjakro liil 28:12

Koy pashel das o David les kol lila, kay pre činlo hi, hoy leske an o shero trouyel djas, har ko vavar koova vin dikell: kol glanstoune platse oun kol iseme, hoy troul o kheer venn, kay vell o bravlepen pre garedo, oun ko kouč koova, hoy i menshe o Debleske denna.

1. Familjakro liil 28:19

Kova lauter hi pre činlo an i liil, yaake har sikras o baro Devel o Davideste, har kava kheer kerdo hounte vell.

2. Mose 25:40

Oun tou kress lat yaake, har kova touke ap i berga sikedo vas.

2. Mose 25:9

Yaake har me les tout kanna sikrau, yaake krenn t'mer o kheer, ninna ko tselo koova, koleha boudrenn le an miro kheer. Krenn lauter yaake, har me les tout sikrau.

2. Mose 26:30

Dran kol tsele kotya čivess tou ko kheer yaake pre, har sikrom touke ap i berga.

2. Mose 27:8

Dran činle kashta vell o Debleskri rhačepaskri kerdo – dren vell či, yaake har les toute ap i berga sikedo vas.

4. Mose 8:4

Koy momelengri his dran yek kotar lačo sonakay, leskro mashkralstouno kotar oun kol blumtikre moussya. Yaake har o baro Devel les o Moseste sikras, kran le koy momelengri.

Mateo 2:12

Oun an i souni penas o Devel lenge, te djan le gar pash o Herodeste pale. Yaake djan le penge, te venn le ap i vavar drom an pengro them pale.

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

Kolossarja 2:17

Me penau t'menge: Kol tsele laba, kay penenn, hoy hounte krenn, oun hoy hounte krenn gar, kol laba das o Devel i bibolden glan i rah tsiro, te sikrell lo len, te vell yek dives, kay kova vella, kay hi bareder har kava tselo koova. Kova vas kanna. Yob hi o Yezous Kristo.

Hebrearja 10:1

Kova, hoy an o Moseskre lila činlo hi, sikrell men gar o tselo bolepaskro bravlepen, hoy kamell o Devel i menshende te dell. Na-a, i tikno kotar kolestar. Kolla, kay anenn marede firhen glan o Debleste, venn gar doleske čačo oun erligo glan leskre yaka. Te vans le čačo oun erligo, hounte anans le gar hako bersh pale firhen glan leste.

Hebrearja 11:7

Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 13:10

Mer djah ap o nevo drom. Menge meras o Yezous Kristo ap o troushel. Kolla, kay djan ap o phouro drom, marenn firhen an o Debleskro kheer ap kay phoub. Koon gomme firhen marella oun glan o Debleste anella, koleske hi o Yezous Kristo gar koy.

Hebrearja 9:9

I glanstouni isema sikrell mende ko tsiro, an hoy mer kanna djivah. I menshe anenn firhen, oun vavar koova o Debleske. Kova lauter nay krell lengro dji gar djoudjo. An lengro dji hayvenn le, te hi le gomme čilačo.

Josua 22:28

Oun mer penam menge: Te rakrens le yaake ap mende oun ap mare čavende, palle nay penah mer: Dikenn kava altaro o baro Deblestar! Mare phoure kran les, te sikrenn le, te ham mer ninna o baro Debleskre menshe. Yon kran les gar, te venn ap leste firhe rhačedo, vitar gar te rhas mer kate khetne glan o Debleste.

Debleskro tsiro 15:5

Oun pal kova dikom, har koy kouč isema pre kerdo vas an o Debleskro kheer an o bolepen.