Hebrearja 7:8 - O Debleskro Lab 2024 (Sinte-Manouche)

⁸ I rashaya an o them Israel, kolende i menshe pengro deshto kotar denna, kolla hi menshe, kay hounte merenna. O Melkisedek, kolestar hi penlo, te djivell lo.

O Debleskro Drom 2021 (Sinte)

⁸ I rashaja an o them Israel, kolende i menshe pengro deshto kotar denna, kolla hi menshe, kai hunte merenna. O Melchisedek, kolestar hi penlo, te djiwell lo.

Hebrearja 7:8 ပူးပေါင်းရင်းမြစ်များ

Johanni 14:19

An i tikno tsiro dikenn man i menshe ap kay phoub bouder gar. T'mer dikenn man. Me djivau. Doleske djivenn t'mer ninna.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Hebrearja 3:16

Penenn mange: Koon his kolla, kay shounan o Debleskro rakepen, oun kaman bouder gar ap leskro drom te djal? Kolla his lauter, kay djan o Moseha vin dran o them Egiptia.

Hebrearja 5:6

I vavar kopo penas lo lestar: Hako tsiro hal tou o baro rashay glan mande, oun kreh koy boudi yaake, har glan i rah tsiro o Melkisedek kras.

Hebrearja 7:23

An ko tselo tsiro his boud rashaya. Kolla lauter hounte meran. Har yek meras, vas pale i vavar.

Hebrearja 7:7

Oun hakeno djinella: O bareder rakrell i barht vin pral o tikneder.

Hebrearja 7:9

I rashaya an o them Israel venna pal o Levi. Kolla lenn o deshto kotar, hoy pengre phrala khetne anan. Oun o Levi vas pal o Abraham. Yaake nay penah: Har das o Abraham o deshto kotar, das kova ninna leskro čaveskro čavo, o Levi,

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.