Hebrearja 6:4 - O Debleskro Lab 2024 (Sinte-Manouche)

^4-6 Hi menshe koy, kolenge kras o Devel lengre djia pre, te hayvan le leskro bolepaskro lačepen. Oun o Debleskro Dourho boudras an lengre djia. Oun yon hayvan o Debleskro lačo lab oun leskri zoor an lengro djipen. Kolla te perenn o Debleskro dromestar tele, nay anell len kek pale ap o Debleskro drom. Kova, hoy yon krenna hi yaake, har te denn le penge o Yezous Kristes pale ap o troushel. Oun kol vavar san pral leste.

O Debleskro Drom 2021 (Sinte)

^4-6 Hi menshe koi, kolenge kras o Dewel lengre djia pre, te haiwan le leskro bolepaskro latchepen. Un o Debleskro Ducho budras an lengre djia. Un jon haiwan o Debleskro latcho lab un leskri soor an lengro djipen. Kolla te perenn o Debleskro dromestar tele, nai anell len kek pale ap o Debleskro drom. Kowa, hoi jon krenna hi jaake, har te denn le penge o Jesus Kristes pale ap o trushel. Un kol wawar san pral leste.

Hebrearja 6:4 ပူးပေါင်းရင်းမြစ်များ

3. Mose 13:55

Pal kol efta divessa dikell les o rashay pale an. Te ačas ko djoungelo kotar koy, hi kava ripen pale-čiddo, ninna te vas ko djoungelo kotar gar bareder. Kava djounglepen rhas pes dren glan oder palla. Doleske hounte vell kava ripen oder kal koola rhačedo.

3. Mose 14:43

Te vell ko djounglepen pale vin ap i barra an ko kheer,

4. Mose 24:3

Oun yob penas kal laba: Kova penell o Bileam, koleskro dad o Beor hi. Kova penell ko morsh, kay van leske i yaka pre kerdo.

Mateo 12:45

Koy rodell lo peske vavar efta benga, kay čilačeder hi har yob. Oun yon djan an ko mensheste dren, oun djivenn an leste. Yaake hi ko mensheha djoungleder har glan kava tsiro. Oun yaake djal ninna kal čilače menshenge, kay kanna djivenna.

Mateo 5:13

T'mer han o loon ap kay phoub. Te nashras o loon peskri zoor, hi lo bouder gar mishto. Oun tou nay kreh bouder či, te vell lo pale londo. Ko loon molell či bouder. Tou nay vitsreh les toutar. Oun i menshe stakrenn les khetne.

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

Johanni 3:27

Koy penas o Yohanni ap lende: “Kek nay lell čomone, te das les o Devel kova gar.

Johanni 4:10

Penas o Yezous ap late: “Te djinals tou, hoy o Devel kamell tout te dell, oun koon toutar ko pani mangella, mangals tou mandar, te dap tout o pani. Oun me doms tout o pani, hoy dell o djipen.”

Johanni 6:32

Penas o Yezous: “Čačepah, me penau t'menge: Hi gar o Mose, kay das t'men o maro dran o bolepen. Kova hi miro dad, kay dell t'men ko čačo maro dran o bolepen.

Bičepangre 10:45

Kol patsle biboldenge, kay o Petreha van, ačas o rakepen krik, har yon dikan, kay peras o Debleskro Dourho ninna ap kolende, kay kek bibolde hi.

Bičepangre 11:17

Me dikom, o Devel das lende ninna peskro Dourho, yaake har yob mende das, har mer patsam ap o rayeste, o Yezous Kristeste. Koon hom me, te rikrap me o Debles pre?”

Bičepangre 15:8

O Devel, kay prindjrell i menshengre djia, sikras mende, kay das yob ninna kolen o Debleskro Dourho, kay kek bibolde hi.

Bičepangre 8:20

O Petro penas ap leste: “Dja pash o bengeste, tou oun tire love! Tou patseh čačepah, te nay gineh tou i loventsa o Debleskri zoor!

Remarja 1:11

O tselo djiyeha kamau t'men te dikell, te nay sikrap t'mende, hoy o Debleskro Dourho mande sikras, te krap t'maro patsepen zoreles.

2. Korintarja 4:4

Yon patsenn gar ap leste. O beng, kay o ray hi pral kay phoub, kras len korelo, te dikenn le gar, havo lačepen vell dran o lačo lab o Yezous Kristestar. Ko lab sikrell men o Yezouseskro raylepen. Oun yob hi yaake har o Devel.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Galatarja 3:2

Kova kamau me t'mendar te djinell: Har djas kova, kay lan o Debleskro Dourho? Lan t'mer les, har t'mer kran, hoy o Moseskre laba penenna? Na-a, t'mer lan les, har shounan o Yezousestar oun patsan ap leste.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

Efesarja 1:18

Me mangau lestar, te krell lo t'mare djia pre, te dikenn t'mare djiyeskre yakentsa, har baro oun shoukar kova hi, hoy yob i patslende della ap ko tsiro, kay venn le pash leste an o bolepen khetne. Yob das t'men gole, te lenn kova lauter.

Efesarja 2:8

Dran peskro lačepen las lo t'men dran o čilačepen vin, har patsan ap o Yezous Kristeste. T'mer van nay gar dran t'mari zoor dran o čilačepen oun o merepen vin. Na-a! O Devel las t'men vin.

Efesarja 3:7

Kava lačo lab penau i menshenge. O Devel his mange lačo, te das lo man kay boudi. Ninna das lo man i zoor, te krap kova.

Efesarja 4:7

Hakeneske mendar his o Yezous Kristo lačes oun das les i boudi, hoy boudrell lo i patslenge.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

2. Timoteo 2:25

ninna te kamenn le gar ap leste te shounell. Yob rakrell lačes lentsa, te anell lo len ap o čačo drom! O Devel nay dell len o dji, te moukenn le pengro čilačo drom, oun te hayvenn le, hoy o čačepen hi.

2. Timoteo 4:14

O Alexandro, kova, kay boudrell i sasteha, kras mange boud čilačepen. O ray Yezous rakrell i phagi pral leste vin pal kova, hoy yob kras.

Hebrearja 10:32

Ma bistrenn ko tsiro, kay o Debleskro kamlepen har i momeli an t'mare djia vas! Ap ko tsiro kran i menshe t'menge o djipen phares. Oun t'mer lan boud douka ap t'mende, oun vitsran t'maro patsepen gar ap i rig.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

1. Johanni 5:16

Te dikeh tou, te kras i vavar patslo i čilačo koova, palle hounte mangess tou o Debles leske! Oun o Devel dell les o djipen. Della ninna i doosh, hoy anell an o merepen. Oun me penau gar, te mangess tou o Debles kolenge, kay koy doosh ap pende lan.