Hebrearja 6:12 - O Debleskro Lab 2024 (Sinte-Manouche)

¹² Ma avenn khino, te krenn o Debleskri boudi! Avenn yaake har kolla, kay ačan zoreles an o patsepen, oun lan kova, hoy o Devel lenge penas.

O Debleskro Drom 2021 (Sinte)

¹² Ma awenn khino, te krenn o Debleskri budi! Awenn jaake har kolla, kai atchan soreles an o patsepen, un lan kowa, hoi o Dewel lenge penas.

Hebrearja 6:12 ပူးပေါင်းရင်းမြစ်များ

Gosewe laba 12:24

Koon boud boudrell, vell o ray pral vavar. Koon peskre vasta an i gali čiddo moukell, vell i boudepaskro, oun hounte boudrell tel dava.

Gosewe laba 13:4

Kova, hoy yek kamell, kay kamell gar te boudrell, vell les gar. Kolenge, kay boud boudrenn, hi doha koy.

Gosewe laba 15:19

O drom kolendar, kay kamenn gar te boudrell, hi pherdo soubyengre bourra. Kolenge, kay o čačepen krenn, hi kek barra an o drom čiddo.

Gosewe laba 18:9

I či-moldo, kay kamell gar te boudrell, hi gar feteder har kova, kay marepen oun merepen anell.

Gosewe laba 2:20

Doleske dja tou o drom, kay i lače djana, oun ač an o čačepen tardo.

Gosewe laba 26:14

Yaake har i voudar rissrell pes an i rikepangre, yaake rissrell pes an peskro čiben ko či-moldo, kay kamell či te boudrell.

Gosewe laba 28:10

Kova, kay anell o Debleskre menshen ap i čilačo drom, kova perell kokres an i grouba. Kolla, kay kek doosh ap pende anan, lenna lačo koova.

Kamlepaskri gili 1:8

Djineh tou kova gar, tou shoukester mank i djouvyende, palle dja vin, oun naash pal i bakre oun le tire tikne bouzya touha, te rhan le pash o plarhtene khera, kay i bakrengre djivenn!

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Mateo 25:26

Penas peskro ray ap leste: I čilačo boudepaskro hal tou. Tou kral tiri boudi gar mishto. Tou djinal, te lap mange o djob, hoy me gar an i phoub čivom, oun lap mange kote khetne, kay boudrom gar.

Louka 16:22

O dives vas, kay ko čorvelo meras. Oun i bolepangre anan les an o bolepen, te beshas lo pes pash o Abraham. I tsiro koy pre meras ninna ko bravelo, oun las i shoukar paskepen.

Louka 8:15

Koy lači phoub hi har o dji kol menshendar, kay o Debleskro lab shounenna, oun djivenn koy pal. An lengre djia vell ko lab zorelo. Oun yon ačenn zoreles an o patsepen tardo.”

Remarja 12:11

Ma avenn khino! Krenn t'mari boudi i tseli zoryah! Halauter, hoy t'mer krenna, krenn o Yezouseske, maro rayeske!

Remarja 2:7

Kolen, kay moukan gar tele, te krenn le o lačepen, dell lo o djipen, hoy gar pre-herella. Yon hi kolla, kay čivan pengro dji koy pre, te dikell o Devel kamles ap lende, oun te lell lo len pash peste an leskro raylepen, kay dell lo len o djipen, hoy gar pre-herella.

Remarja 4:12

Yob hi ninna o dad kolendar, kay hi činlo ap o mass, te djivenn le an o patsepen yaake, har o Abraham djivas glan ko tsiro, kay yob ap o mass činlo vas.

1. Tessalonikarja 1:3

Hako tsiro, kay parkrah men pash leste, vell menge kova an o shero, hoy t'mer leske krenna an o patsepen oun an o kamlepen ap i menshende, oun har t'mer moukenn gar tele, te dikenn ap ko dives, kay vell maro ray, o Yezous Kristo, pale.

2. Tessalonikarja 1:4

Mer sharah men t'mentsa pash i patslende, kay venn khetne an o Debleskro lab an i vavar forya, oun penah lenge, hoy t'mer lauter ap t'mende lenna, oun te moukenn gar t'maro patsepen, ninna te lenn le t'men palla oun krenn t'maro djipen phares.

Hebrearja 1:14

I tsele bolepangre hi leskre boudepangre. Kolen bičras o Devel ap i rig kolendar, kay djan ap o Debleskro drom, te lenn le o Debleskro djipen, hoy gar pre-herella.

Hebrearja 10:36

T'mer hounte venn gar khino an t'mare djia, te krenn kova lauter, hoy o Devel kamella! Palle dell lo t'men peskro bravlepen yaake, har yob penas.

Hebrearja 11:33

Kol tsele morsha patsan, hoy o Devel lenge penas. Mashkral lende his ninna kolla, hoy kouran pen kol bare rayentsa oun kol rayengre lourdentsa. Oun yon his zorleder har kol bare raya oun lengre lourde. Vavar kran o čačepen oun dikan pengre yakentsa, har kova čačo vas, hoy o Devel lenge penas. Vavar van glan bare oun divye margodje vitsedo, oun kolla dandran len gar.

Hebrearja 12:1

Kanna dikah, boud boud menshe patsan, te hi kova čačo, hoy o Devel penas. Mer ham gar kokres, kay patsah. Doleske hounte kras har yon kran, oun moukas gar tele te nashas ap o Debleskro drom, hoy glan mende hi. Te čivas lauter tele, hoy kamell men pale te rikrell! Ninna hounte čivas o čilačepen tele, hoy kamell men te taprell.

Hebrearja 13:7

Ma bistrenn, har kolla pengro djipen djivan, kay penan t'menge o Debleskro lab, oun sikran t'men leskro drom! Dikenn, har yon djivan oun meran, oun zoreles an o patsepen tardo his! Djan yaake ap o Yezouseskro drom har yon djan!

Hebrearja 5:11

Pral kova vals men t'menge boudeder te penell. Oun menge hi kova phares, te rakras yaake, te hayvenn t'mer les: T'mare djia van khino.

Jakobo 1:3

Te vell savo koova ap t'mende, oun t'mer moukenn gar tele te patsenn ap o Yezous Kristeste, palle venn t'mer zorleder an o patsepen oun denn gar sik pre.

2. Petro 1:10

Mire phrala, o Devel das t'men gole, oun rodas t'men vin, te venn t'mer leskre čave. Doleske djivenn yaake t'mari tseli zoryah, te ačenn pash leste! Te djivenn t'mer yaake, perenn t'mer gar o Debleskro dromestar tele.

1. Johanni 2:25

Oun t'mer lenn ko djipen, hoy gar pre-herella. Kova penas o Yezous Kristo menge.

Debleskro tsiro 13:10

Koon stildo hounte vell, kova vell stildo. Koon o rhareha maredo hounte vell, kova vell o rhareha maredo. Doleske hounte venn o Debleskre menshe zoreles tardo an o patsepen, te denn le gar pre.