Hebrearja 5:5 - O Debleskro Lab 2024 (Sinte-Manouche)

⁵ Ninna o Yezous Kristo kras pes gar bares oun penas: Me vau baro rashay. Na-a, o Devel rodas les vin, har penas lo ap leste: Tou hal miro čavo. Kava dives vom tiro dad.

O Debleskro Drom 2021 (Sinte)

⁵ Ninna o Jesus Kristo kras pes gar bares un penas: Me wau baro rashai. Na-a, o Dewel rodas les win, har penas lo ap leste: Tu hal miro tchawo. Kau diwes wom tiro dad.

Hebrearja 5:5 ပူးပေါင်းရင်းမြစ်များ

Debleskri gili 2:7

Kava baro ray penell: “Moukenn man t'menge kova te penell, hoy o baro Devel kamell te krell. Yob penas ap mande: Miro čavo hal tou. Kava dives vom tiro dad.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

Johanni 7:18

Koon pral peste mishto rakrella, kova kamella, te vell yob sharedo. Koon kamella, te vell kova sharedo, kay bičras les, kova hi čačo. Oun an leste hi kek čilačepen.

Johanni 8:54

Penas o Yezous: “Te sharoms me man, vals kova či moldo. Miro dad hi kova, kay sharell man. Kolestar penenn t'mer: Yob hi maro Devel.

Remarja 8:3

O Moseskre laba nay dan ko djipen gar. I menshe nay kran kova gar, hoy an o Moseskre lila činlo hi. Ko čilačepen, hoy an lende his, moukas len gar te krell, hoy o Devel lendar kamas. Doleske penas o Devel: “O čilačepen hounte merell.” Oun yob bičras peskro čaves, te vell lo i mensho har mer, kay čilačo ham. Yob las maro čilačepen ap peste oun meras. Oun yaake meras o čilačepen leha oun nashras peskri zoor pral mende.

Hebrearja 1:1

An o phouro tsiro rakras o Devel boud kope yaake te yaake ap peskre rakepangre, oun bičras len pash mare phourende, te penenn le lenge leskre laba.

Hebrearja 1:5

An o Debleskro lab hi činlo, kay penell o Devel ap peskro čaveste: Tou hal miro čavo. Kava dives vom tiro dad. Save laba penas lo ap kekeste peskre bolepangre. Vitar gar penas lo ap kekeste lendar: Me vau tiro dad. Oun tou veh miro čavo.

Hebrearja 2:17

Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 5:10

Oun o Devel penas ap leste: Tou hal i baro rashay glan mande, har glan i rah tsiro o Melkisedek his.