Hebrearja 5:4 - O Debleskro Lab 2024 (Sinte-Manouche)

⁴ Kek morsh nay penella: Me vau baro rashay. Na-a, o Devel rodell les vin, yaake har yob glan i rah tsiro ninna o Arones vin rodas, te vell lo i baro rashay.

O Debleskro Drom 2021 (Sinte)

⁴ Kek mursh nai penella: Me wau baro rashai. Na-a, o Dewel rodell les win, jaake har job glan i rah tsiro ninna o Arones win rodas, te well lo i baro rashai.

Hebrearja 5:4 ပူးပေါင်းရင်းမြစ်များ

1. Familjakro liil 23:13

O Amram, leskre čave his: o Aron oun o Mose. Oun o Aron oun leskre čave van vin rodedo, te venn le rashaya hako tsireske. Yon kokres nay kran o baro Debleskri boudi: nay rhačran firhen ap leskri rhačepaskri, oun nay rakran o Debleskri barht vin pral i Israelitarya.

2. Familjakro liil 26:18

Oun yon stakran o baro rayeske Usiya an o drom oun penan ap leste: Usiya, hi gar tiri boudi, te rhačess o baro Debleske soungepaskro koova. Kokres o Aroneskre čave hi i rashaya, kay vi-rodede hi, te rhačenn le soungepaskro koova. Dja vin dran o Debleskri isema! Tou kreh, hoy gar mishto hi glan o baro Debleste. Yob, kay tiro Devel hi, sharell tout gar koleske.

Esra 7:5

koleskro dad o Abishoua, koleskro dad o Pinhas, koleskro dad o Elazar, koleskro dad o Aron, ko baro rashay.

2. Mose 28:1

Mouk tiro phrales, o Arones, oun leskre morsh čaven glan toute te anell. Kolen rodom vin dran i vavar Israelitarya, te venn le mange rashaya: o Nadab, o Abihu, o Elazar oun o Itamar.

3. Mose 8:2

Le o Arones oun leskre morsh čaven touha, oun i rashayengre koola, oun o djet oun ko terno gouroum, hoy i doshake maredo vell, oun kol douy morsh bakre oun koy korba, kay i mare dren hi, kay kek shoutlo yarro dren hi.

4. Mose 16:10

Yob moukas tout, o Korah, oun tire tsele phralen, kol Levitarya, pash leste te vell. Oun t'mer kamenn kanna ninna rashay te vell!

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

4. Mose 16:5

oun penas ap o Korah oun ap kolende, kay pash leste his: “Taysar penell o baro Devel, koon leskre menshe hi, kones yob peske vi-rodas, oun koon nay vell pash leste. Oun kones yob vin rodella, kova nay vell pash leste.

4. Mose 16:7

Oun krenn yag koy dren, oun čivenn soungepaskro koova koy pre, oun anenn kova glan o baro Debleste! Kones koy o baro Devel vi-rodella, kova hi leskro. T'mer, i Levitarya, han kolla, kay krenn, har te vans i bareder!”

4. Mose 18:7

Tou oun tire čave, t'mer han mire rashaya, te krenn t'mari boudi pash o Debleskri rhačepaskri oun dren an o kouč isema, hoy pal o voudar dran o kouč kotar than hi. Kay boudi dom me t'men. Te vell yek vavar pash o Debleskro koova, hoy koy dren hi, hounte merell lo.

4. Mose 3:3

Kal star van o djeteha dre-maklo, te venn yon rashaya, oun boudran an o Debleskro kheer.

Johanni 3:27

Koy penas o Yohanni ap lende: “Kek nay lell čomone, te das les o Devel kova gar.