Hebrearja 4:7 - O Debleskro Lab 2024 (Sinte-Manouche)

⁷ Doleske rodas o Devel i vavar dives vin, kay yob pale ap i menshende rakrella. Ko dives hi kanna. Boud bersha pal o tsiro, kay mare phoure an o moulo them djan, čivas lo o Davideske kol laba an o dji: T'mer te shounenn kava dives o Debleskro rakepen, palle shounenn ap leste! Krenn t'mare djia gar har barra!

O Debleskro Drom 2021 (Sinte)

⁷ Doleske rodas o Dewel i wawar diwes win, kai job pale ap i menshende rakrella. Ko diwes hi kanna. Bud bersha pal o tsiro, kai mare phure an o mulo them djan, tchiwas lo o Davideske kol laba an o dji: Tumer te shunenn kau diwes o Debleskro rakepen, palle shunenn ap leste! Krenn tumare djia gar har barra!

Hebrearja 4:7 ပူးပေါင်းရင်းမြစ်များ

1. Rajengro liil 6:1

An o starto bersh, har o Salomo o baro ray pral Israel his, an o čon Siv, kova hi o douyto čon an o bersh, kran pen i boudepangre o Salomestar ap i boudi, te krenn le o baro Debleskro kheer. Kova his 480 (star-sheel-te-orhta-deesh) bersha pal kova, kay i Israelitarya dran o them Egiptia djan.

Debleskri gili 95:7

Yob hi maro Devel, oun mer ham leskre menshe. Yob dell yak ap mende har i bakrengro dell yak ap peskre bakre, oun anell len kote, kay hi len doha te rhal. Kava dives rakrell yob ap t'mende. Shounenn ap leskre laba:

Mateo 22:43

Penas o Yezous: “Te hi kova čačo, har nay penas o David ap leste: Mo ray? Kava lab čivas o Debleskro Dourho an o Davideste,

Markus 12:36

O David penas lestar, har o Debleskro Dourho ap leste vas: O Devel penas ap miro rayeste: Besh tout ap miri čači rig, bis te čivau kolen tel tire pire, kay hi rhoyedo ap toute.

Louka 20:42

O David činas an peskre gilya: O Devel penas ap miro rayeste: Besh tout ap miri čači rig,

Bičepangre 2:29

Oun o Petro penas doureder ap lende: “Morshale, mire phrala, moukenn man t'menge te penell, hoy man ap o dji hi. Maro baro ray David meras, oun vas paskedo. Leskro moulengro kheer nay dikenn t'mer kava dives.

Bičepangre 2:31

Oun o Devel moukas o David glan-vi te dikell, kay o Yezous Kristo i moulendar pre stella. Lestar penas o David, te ačell yob gar pash i moulende, oun te ferdjal gar leskro mass.

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

Hebrearja 3:15

Doleske hi činlo an o Debleskro lab: Kava dives, te shounenn t'mer o Debleskro rakepen, shounenn ap leste, oun krenn t'mare djia gar har barra, har t'mare phoure kran, har čingran le ap o Moseste, oun kaman miro drom bouder gar te djal!