Hebrearja 3:9 - O Debleskro Lab 2024 (Sinte-Manouche)

⁹ Ninna te dikan le star-deesh bersha, hoy me, o Devel, lenge krom, patsan le man gar, oun mire laba his lenge či moldo.

O Debleskro Drom 2021 (Sinte)

⁹ Ninna te dikan le star-deesh bersha, hoi me, o Dewel, lenge krom, patsan le man gar, un mire laba his lenge tchi moldo.

Hebrearja 3:9 ပူးပေါင်းရင်းမြစ်များ

Debleskri gili 95:9

Fothe dikan le lauter, hoy lenge krom, patsan le gar, te hom me, o Devel, mank lende, oun nay dau len lauter, hoy len hounte vell djipaske.

2. Mose 19:4

T'mer dikan, hoy krom me halauter ap kol Egiptarya, oun har anom t'men pash mande yaake har i baro čirklo hidjrell peskre čaven ap peskro doumo.

2. Mose 20:22

Koy penas o baro Devel ap o Moseste: Yaake peness tou ap i tsele Israelitarya: T'mer dikan, te rakrom me dran o bolepen t'mentsa.

Amos 2:10

Me anom t'men vin dran o them Egiptia, djom glan t'mende star-deesh bersha an o moulo tato them, oun dom t'men o them, kay i Amorarya khere his, te vell lo t'menge.

4. Mose 14:33

T'mer rikran t'men gar ap mire laba. Doleske hounte djan t'mare čave pengre firhentsa trouyel an o moulo tato them, star-deesh bersha, bis te ačell kek t'mendar bouder pral.

Louka 7:22

Oun yob penas o Yohanneskre malenge: “Penenn o Yohanneske, hoy t'mer dikan oun shounan: I korele nay dikenn pale. Oun i bange nay djan pale. I nassele, kay lengro mass ap lende tele merell, venna sasto. Kolla, kay nay shounan gar, nay shounenna pale. I moule venna djido. Oun i čorvele shounenn o Debleskro lačo lab.

Bičepangre 13:8

Ko dourkepaskro, o Elimas, – yaake his leskro lab ap grichtikes, – kamas kova gar oun kras lauter, te rikrell lo ko pralstounes pale, te vell yob gar patslo.

Bičepangre 7:36

Kava Mose anas i Israelitaryen vin oun kras baro oun zorelo koova an o Debleskri zoor an o them Egiptia, oun pash o lolo pani, oun star-deesh bersha an o moulo them.

5. Mose 11:7

T'mer dikan t'mare yakentsa ko tselo baro kova, hoy o baro Devel kras.

5. Mose 29:2

Koy phari bibarht, hoy anas lo ap lende, hoy sikras, te hi yob o Devel, dikan t'mer t'mare yakentsa, savo baro oun zorelo koova, hoy kek vavar nay krell.

5. Mose 4:3

T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

5. Mose 4:9

Denn zoreles yak ap t'mende, te bistrenn gar – yaake rah har djivenn, – hoy t'mare yakentsa dikan! Oun penenn t'mare čavenge oun lengre čavenge,

5. Mose 8:2

Ma bistrenn, har djas t'maro baro Devel glan t'mende an kol 40 (star-deesh) bersha, har djan an o moulo tato them trouyel. Kote sikras lo t'men: Te hi lo gar t'mentsa, nay krenn či. Ninna kamas lo vin te hatsell, hoy an t'mare djia hi: Shounenn t'mer ap leskre laba oder gar?

5. Mose 8:4

An kol tsele star-deesh bersha djan t'mare koola ap t'mende gar paash, oun t'mare pire van gar pesso.

Josua 23:3

Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.

Josua 24:7

kote dan le gole ap mande, o baro Debleste. Oun me čivom rati mashkral lende oun i Egiptaryen. Oun moukom o baro pani pral i Egiptaryen te vell. Oun o pani čakras len. Oun t'mare phoure dikan pengre yakentsa, hoy me ap i Egiptaryen krom. Oun t'mer djivan i rah tsiro an o moulo them.