Hebrearja 3:7 - O Debleskro Lab 2024 (Sinte-Manouche)

⁷ Doleske shounenn, hoy o Debleskro Dourho t'menge penella: T'mer te shounenna kava dives o Debleskro rakepen, palle shounenn ap leste!

O Debleskro Drom 2021 (Sinte)

⁷ Doleske shunenn, hoi o Debleskro Ducho tumenge penella: Tumer te shunenna kau diwes o Debleskro rakepen, palle shunenn ap leste!

Hebrearja 3:7 ပူးပေါင်းရင်းမြစ်များ

2. Samuel 23:2

O baro Debleskro dourho rakras dran mande, oun leskre laba hi ap miro čip.

Debleskri gili 81:11

Me hom tiro baro Devel, kay tout dran o them Egiptia vin anas. Kre tiro mouy dour pre, oun me dau tout boud rhapen.

Debleskri gili 81:13

Yaake moukom len kova te krell, hoy yon kaman, oun moukom len pal pengro shero te djal.

Gosewe laba 27:1

Ma share tout pral kova, hoy hi tout glan o vavar dives! Tou djineh gar, hoy touke ko dives anell.

Sikepaskro 9:10

Halauter, hoy touke glan o vast vell, te kress, kova kre o tselo djiyestar! Pash i moulende, kay tou ninna hounte djas, kote vell bouder či kerdo. Oun kek krell peske kote i shero, hoy nay krell lo, har nay djinell lo čomone, oun har nay vell lo gosevo.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Mateo 17:5

Oun har yob yaake rakras, vas i parni folka pral lende tele. Oun dran koy folka vas o rakepen, hoy penas: “Kava hi miro čavo! Koles kamau o djiyestar. Yob krell man barhtelo. Shounenn ap leste!”

Mateo 22:43

Penas o Yezous: “Te hi kova čačo, har nay penas o David ap leste: Mo ray? Kava lab čivas o Debleskro Dourho an o Davideste,

Markus 12:36

O David penas lestar, har o Debleskro Dourho ap leste vas: O Devel penas ap miro rayeste: Besh tout ap miri čači rig, bis te čivau kolen tel tire pire, kay hi rhoyedo ap toute.

Johanni 10:16

Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Johanni 10:27

Mire bakre shounenn ap miro rakepen. Oun me prindjrau len. Oun yon djan mange palla.

Johanni 10:3

Leske krell kova o voudar pre, kay dell garda glan o voudar. Oun leskre bakre shounenn leskro rakepen. Oun yob dell peskre bakren gole lengre labentsa, oun anell len vin.

Johanni 5:25

Čačepah, me penau t'menge: Ko tsiro vella oun hi kanna kay, kay i moule shounenn i gole o Debleskro čavestar. Oun kolla, kay shounenn, kay dell yob gole, kolla djivenna.

Bičepangre 1:16

Mire phrala, kova, hoy an o Debleskro lab pral o Youdas činlo hi, hounte vas yaake. Glan rah tsiro penas o Debleskro Dourho o Davideske kova, hoy vella pral o Youdaseste. O Youdas sikras o drom kolende, kay tapran o Yezouses.

Bičepangre 28:25

Yon čingran pral kova, hoy o Paulo penas, oun djan penge, har o Paulo kava lab penas: “Me dikau, kay kova čačo hi, hoy o Debleskro Dourho ap o Yesaya penas, te penell yob kova mare phourenge. O Debleskro Dourho penas:

Bičepangre 8:29

Koy penas o Debleskro Dourho ap o Filipeste: “Dja pash ko vourdin oun ač koy pashel!”

Hebrearja 10:15

Ninna o Debleskro Dourho penell menge kova. An o Debleskro lab hi činlo:

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Hebrearja 3:15

Doleske hi činlo an o Debleskro lab: Kava dives, te shounenn t'mer o Debleskro rakepen, shounenn ap leste, oun krenn t'mare djia gar har barra, har t'mare phoure kran, har čingran le ap o Moseste, oun kaman miro drom bouder gar te djal!

Hebrearja 4:7

Doleske rodas o Devel i vavar dives vin, kay yob pale ap i menshende rakrella. Ko dives hi kanna. Boud bersha pal o tsiro, kay mare phoure an o moulo them djan, čivas lo o Davideske kol laba an o dji: T'mer te shounenn kava dives o Debleskro rakepen, palle shounenn ap leste! Krenn t'mare djia gar har barra!

Hebrearja 9:8

Yaake sikrell men o Debleskro Dourho, kay kek nay djal an koy palstouni kouč isema, yaake rah, har hi koy glanstouni isema koy.

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.

Debleskro tsiro 3:20

Dikenn, me hom glan o voudar tardo, oun dau ap ko voudar. Koon shounell, hoy me penau, oun krell mange o voudar pre, pash koleste djau me dren, oun rhau leha, oun yob rhal mantsa.