Hebrearja 3:18 - O Debleskro Lab 2024 (Sinte-Manouche)

¹⁸ Kanna penenn mange: Pral koneste rakras o Devel, har yob pes sovel das, te venn le gar an leskro them, kay yon hako tsiro khere vans? Yob rakras kolendar, kay shounan gar ap leste.

O Debleskro Drom 2021 (Sinte)

¹⁸ Kanna penenn mange: Pral koneste rakras o Dewel, har job pes sowel das, te wenn le gar an leskro them, kai jon hako tsiro khere wans? Job rakras kolendar, kai shunan gar ap leste.

Hebrearja 3:18 ပူးပေါင်းရင်းမြစ်များ

Debleskri gili 78:22

Yon patsan gar, te hi lengro Devel ap lengri rig, oun dikan gar ap leste, te dell lo len, hoy len hounte vell.

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:23

kolendar dikell kek ko them, kay lengre phourenge penom oun man sovel pre dom, te dap les lende. Vitar gar dikell kek ko them, kay rakras djoungeles pral mande.

4. Mose 14:30

čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren.

4. Mose 20:12

O baro Devel penas ap o Moseste oun ap o Aroneste: “T'mer patsan gar, hoy penom, oun sharan man gar glan kol Israelitarya. Doleske anenn t'mer gar kol menshen an ko them, hoy me len dau.”

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Remarja 11:30

Glan i tsiro shounan t'mer gar ap o Debleste. Oun palle vas o Debleskro kamlepen ap t'mende. Kova vas an kava tsiro, kay i bibolde gar ap leste shounan.

5. Mose 9:23

Oun har bičras o baro Devel t'men dran o foro Kadesh-Barnea vin oun penas: “Djan pre oun lenn o them t'menge dren, hoy me t'men dom”, koy shounan gar ap leste, oun patsan les gar oun kran gar, hoy lo t'menge penas.

Hebrearja 3:11

Yaake rhoyedo homs ap lende, te dom man sovel, oun penom: Yon venn gar dren an miro them, kay yon pash mande khere nay vans.

Hebrearja 4:11

Doleske čivas mer maro tselo dji koy pre, te vas an leskro them dren, kay ham hako tsiro pash leste khere. Das yak, te perell kek mendar o Debleskro dromestar tele, har kol menshe an o phouro tsiro, kay shounan gar ap o Debleste!

Hebrearja 4:6

Yaake dikah: Hi save menshe, kolla van gar dren an leskro them, oun vavar, kay nay venn koy dren. Kolla, kay shounan o Debleskro lab an o phouro tsiro, patsan les gar, oun van gar dren.