Hebrearja 3:16 - O Debleskro Lab 2024 (Sinte-Manouche)

¹⁶ Penenn mange: Koon his kolla, kay shounan o Debleskro rakepen, oun kaman bouder gar ap leskro drom te djal? Kolla his lauter, kay djan o Moseha vin dran o them Egiptia.

O Debleskro Drom 2021 (Sinte)

¹⁶ Penenn mange: Koon his kolla, kai shunan o Debleskro rakepen, un kaman buder gar ap leskro drom te djal? Kolla his lauter, kai djan o Moseha win dran o them Egiptia.

Hebrearja 3:16 ပူးပေါင်းရင်းမြစ်များ

Debleskri gili 78:17

Ninna te kras lo kova lauter lenge, shounan le gar ap leste, oun an o moulo tato them hadan le pen ap leste, ko pralstuneste.

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Jeremia 44:3

Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

Jeremia 44:8

T'mer rhoyrenn man koleha, hoy krenn kote an o them Egiptia, kay djan, te djivenn koy. T'mer rhačrenn soungepaskro koova vavar deblenge. Kamenn t'mer halauter te merell? Kamenn, te praasenn t'men i menshe dran i tsele vavar themma oun san pral t'mende?

4. Mose 14:11

Oun o baro Devel penas ap o Mose: “Har rah rakrenn kol menshe djoungeles pral mande? Oun har rah kamenn yon gar ap mande te patsell, vitar gar, kay krom yaake boud baro oun zorelo koova pash lende?

4. Mose 14:2

Oun i tsele Israelitarya his rhoyedo ap o Mose oun o Aron oun penan: “Ah, te merams mer an ko them Egiptia! Te merams kate an o moulo tato them!

4. Mose 14:24

Kokres miro boudepaskro, o Kaleb, les hi i vavar dji oun djas mange hako tsiro palla, koles anau an ko them, an koleste yob vas. Leskre čavende oun čavengre čavende dau ko them.

4. Mose 14:30

čačepah, t'mer venn gar an ko them, kay me hadom miro vast oun dom man sovel, te nay djivenn koy dren. Kokres o Kaleb, koleskro dad o Yefunne hi, oun o Yosua, koleskro dad o Noun hi, kolla douy venn koy dren.

4. Mose 14:38

Kokres o Yosua, koleskro dad o Noun hi, oun o Kaleb, koleskro dad o Yefunne hi, ačan djido kol morshendar, kay djan, te dikenn le pen trouyel, har ko them hi.

4. Mose 14:4

Oun yek penas ap i vavareste: “Mer rodas yekes vin, te vell lo o pralstouno pral mende, oun mer djah pale an o them Egiptia.”

4. Mose 26:65

O baro Devel penas lenge, kay yon hounte merenn an o moulo tato them. Oun yaake ačan kek lendar djido har kokres o Kaleb, koleskro dad o Yefunne his, oun o Yosua, koleskro dad o Noun his.

5. Mose 1:38

O Yosua, koleskro dad o Noun hi, kova, kay glan t'mende tardo hi, kova vell an ko them. Koles kre zoreles! Yob anell i Israelenge an kava them, te lenn le les dren.”

Judas 1:5

Ninna te djinenn t'mer kova lauter, kamau, te bistrenn gar, har o Devel, maro ray, peskre menshen dran o them Egiptia vin las. Oun ap i vavar tsiro maras lo kolen, hoy gar patsan.