Hebrearja 3:14 - O Debleskro Lab 2024 (Sinte-Manouche)

¹⁴ Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

O Debleskro Drom 2021 (Sinte)

¹⁴ Te rikrah soreles ap maro patsepen ap o Jesus Kristeste jaake rah, har djiwah, palle ham tchatchepah leskre.

Hebrearja 3:14 ပူးပေါင်းရင်းမြစ်များ

Remarja 11:17

I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

Remarja 11:22

Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

1. Korintarja 10:17

Mer rhah yek maro. Doleske hi men yek djipen khetne o Yezouseha, ninna te ham boud patsle.

1. Korintarja 9:23

Kova lauter krau me, te patsenn boud ap o lačo lab o Yezous Kristestar, te lap ninna kova, hoy mange o Devel an peskro lab penella.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

5. Mose 1:35

“Ma patsenn, te dikell yek morsh kal tsele morshendar kava lačo them, hoy me man pash lengre phourende sovel dom, te dap les lenge.

1. Timoteo 6:2

Kol boudepangre, kay hi len patsle raya, hounte dikenn gar tele ap pengre rayende. Na-a, yon hounte boudrenn lačeder lenge. Kolla hi lengre phrala. Oun o Devel kamell len o djiyestar. Oun yon krenn ninna lačo koova. Kova pen i patslenge an o dji, te krenn le les!

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

Hebrearja 12:10

Mare dada ap i phoub dan men i phagi, hoy doukas men i tikno tsiro, yaake har yon penan penge, te hi kova menge mishto. O Devel, te dell lo men i phagi, hi kova čačepah menge mishto. Yob kamell, te vas mer lačo oun čačo, yaake har yob hi.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 3:6

O Yezous Kristo hi o Debleskro čavo. Oun an leskre vasta hi o Debleskre menshe, ap kolende yob mishto garda della. Kolla ham mer, te čivah maro tselo patsepen ap leste, oun dah gar pre bis te lah o raylo djipen pash leste.

Hebrearja 6:11

Mer kamah o djiyestar, te čivell hakeno t'mendar peskro dji ap ko shoukar djipen, hoy kamell o Devel les te dell an o bolepen.

Hebrearja 6:4

Hi menshe koy, kolenge kras o Devel lengre djia pre, te hayvan le leskro bolepaskro lačepen. Oun o Debleskro Dourho boudras an lengre djia. Oun yon hayvan o Debleskro lačo lab oun leskri zoor an lengro djipen. Kolla te perenn o Debleskro dromestar tele, nay anell len kek pale ap o Debleskro drom. Kova, hoy yon krenna hi yaake, har te denn le penge o Yezous Kristes pale ap o troushel. Oun kol vavar san pral leste.

1. Petro 4:13

Te venn douka ap t'mende, djinenn: save douka van ninna ap o Yezous Kristeste. Doleske avenn barhtelo! Ap ko dives, kay leskro raylepen diklo vella, givenna oun bashrenna t'mare djia i barhtyatar.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

1. Johanni 1:3

Kova, hoy mer dikam oun shounam, penah mer t'menge, te nay vas mer t'mentsa khetne an o čačepen. Oun čačepah, mer ham khetne o Debleha, kay hi maro dad an o bolepen, oun leskro čaveha, o Yezous Kristeha.