Hebrearja 3:10 - O Debleskro Lab 2024 (Sinte-Manouche)

¹⁰ Doleske vom me rhoyedo ap lende, oun penom: Hako tsiro djan le pal pengro shero. Miro drom kaman le gar te djal.

O Debleskro Drom 2021 (Sinte)

¹⁰ Doleske wom me chojedo ap lende, un penom: Hako tsiro djan le pal pengro shero. Miro drom kaman le gar te djal.

Hebrearja 3:10 ပူးပေါင်းရင်းမြစ်များ

1. Mose 6:6

Kova doukas les an leskro dji. Oun o baro Debles khaytas, kay kras yob i menshen ap i phoub.

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

Debleskri gili 67:2

Devel, kre tiro dji menge pre, oun čip tiri barht ap mende! Dik tou lačes ap mende!

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Debleskri gili 78:8

yaake te venn le gar har pengre phoure, kay o Debleskro dromestar tele peran, oun kaman gar te shounell. Kolengre djia his gar zorelo, oun yon his gar pengro tselo djiyeha pash o Debleste.

Debleskri gili 95:10

Star-deesh bersha vas mange djoungeles, te dikom ap kol menshende, oun penom: “Kalla hi menshe, kay peran ap pengre sherya oun djinenn gar, hoy čačo hi. Ap miro drom kamenn le gar te djal.”

Jesaja 28:7

Ninna i rashaya oun o Debleskre rakepangre hi mato i molyatar, oun perenn yek rigyatar ap i vavar o zorelo pipastar, hoy le piyan. Yaake boud mool oun zorelo pipen piyan le, te nay ačenn le bouder gar tardo. Te rakrenn le o Debleskro lab vin, hi le mato koy pashel. Te krenn le o čačepen vin, perenn le yek rigyatar ap i vavar.

Jesaja 63:10

Ninna te his lo lenge yaake lačes, kaman le gar ap leste te shounell, oun doukran les an leskro dji. Kote vas lo rhoyedo ap lende, oun kouras pes lentsa.

Jeremia 4:22

O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Hosea 4:12

Mire menshe poučenn pengre deblen oun vavar kashta, te penenn yon lenge, hoy te krenn le. Lengre djia nashenn i rhorhene deblenge palla. Har i loubni moukell peskro romes, nashan le mandar, pengro Deblestar, krik.

Mateo 20:24

Oun har kol vavar deesh kova shounan, van le rhoyemen ap kol douy phralende.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

Johanni 8:45

Me penau o čačepen. Doleske patsenn t'mer man gar.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

Remarja 3:7

I menshe nay penans ninna: “Mer te rhorhah, palle vell diklo, har baro o Debleskro čačepen hi. Oun yob vell sharedo. Hoske dell lo men i phagi?

Efesarja 4:30

Te krenn t'mer i čilačo koova, palle doukrenn o Debleskro Dourho an t'mare djia. O Devel das les t'mende, te sikrell lo, kay leskro han ap ko dives, kay lell lo t'men dran o tselo čilačepen vin.

Hebrearja 3:12

Mire phrala, denn yak ap t'mare djia, te moukell kek t'mendar peskro patsepen, oun kamell o djido Deblestar bouder či te djinell.

Čačepangre 10:16

Oun yon vitsran kol vavar deblen pendar krik oun mangan o baro Debles an. Koy khaytas les, te vell o Israeleske yaake pharo kerdo.”