Hebrearja 2:17 - O Debleskro Lab 2024 (Sinte-Manouche)

¹⁷ Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

O Debleskro Drom 2021 (Sinte)

¹⁷ Doleske hunte was o Jesus an lauter jaake, har leskre phrala, te well les i baro dji lenge, un te well lo lenge i tchatcho baro rashai glan o Debleste, te mangell lo leskre menshenge, te lell job i doosh lendar krik.

Hebrearja 2:17 ပူးပေါင်းရင်းမြစ်များ

2. Familjakro liil 29:24

Palle maran i rashaya kol bouzya, oun vitsran lengro rat ap i rhačepaskri, te vell i doosh i Israelendar krik lino. Kova kran le yaake, har lenge o baro ray penas: te marenn le firhen, kay tseles rhačedo venn oun vavar, te vell i doosh i tsele Israelendar krik lino.

Jesaja 11:5

Hako tsiro krell lo o čačepen. Hako tsiro penell lo, hoy čačo hi. Doleske hi o čačepen troul leste har i pereskri dori troul i ripen.

Ezekiel 45:15

Te hi yekes douy sheel bakre, hounte anell lo yek lendar. Dran o tselo them Israel hounte anenn i menshe kova, te vell mange rhapen dran djob rhačedo, ninna firhe, hoy tseles rhačedo venn, oun vavar, hoy rhan le khetne glan mande, te vell lauter krik lino, hoy mank mande oun i menshende tardo hi. Kava penell o baro Devel, maro ray.

Ezekiel 45:17

O ray hounte dikell koy pre, te venn i firhe, o djob oun i mool anlo glan o baro Debleste an kol bare divessa, kay venn i Israelitarya khetne, te sharenn le o Debles, ninna ap ko dives, kay vell o nevo čon diklo, oun ap o Debleskro dives, oun ap kol tsele vavar bare divessa. O ray dell ko djob, koy mool oun kol firhen i rashayen, te anenn yon kova glan o baro Debleste, te vell lauter krik lino, hoy mank o Debleste oun i Israelitaryen tardo hi. I firhe, hoy maredo venn, hi save, kay venn tseles rhačedo oun save, kay venn maredo, te vell i doosh krik lino, oun save, kay rhan i menshe khetne glan o baro Debleste.

Ezekiel 45:20

Oun yaake kress tou kova ninna ap o eftato dives foun ko čon, hakeneske, kay doosh ap peste las, oun kova gar kamas oun djinas. Oun yaake lenn t'mer i doosh oun o pale-čiddo koova krik dran o kheer.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 14:18

Ko djet, hoy gomme an leskro vast hi, makell lo ap o shero kolestar, kay sasto vas. Yaake krell lo les pale erligo glan o baro Debleste.

3. Mose 16:16

Oun yaake krell lo, te vell o pale-čiddo koova oun koy doosh, hoy i Israelitarya ap pende anan – lengro tselo čilačo koova, dran o Debleskri kouč isema krik lino. Oun yaake hounte krell lo ko tselo Debleskro plarhteno khereha. Kava kheer hi tardo ap i platsa, kay i Israelitarya djivenn. Oun koy doosh, hoy yon ap pende anenn oun lengro pale-čiddo koova krell ninna o Debleskro kheer pale-čiddo.

3. Mose 8:15

Oun o Mose maras les kote, oun las čomone ko ratestar, oun makas peskro goushteha ko rat ap i shinga, hoy pral ap i star ekke ap i rhačepaskri hi. Ko tselo vavar rat čoras lo tella pash i rhačepaskri vin. Yaake las lo koy tseli doosh oun ko tselo pale-čiddo koova krik, hoy ap koy rhačepaskri his, te nay vell li o Debleske dino.

4. Mose 15:25

Oun yaake krell o rashay i tsele menshenge Israel, te vell lauter pale mishto mank lende oun o Debleste. Oun koy doosh vell lendar krik lino, – koy doosh, kolatar yon gar djinan, kay kaya i doosh hi, oun kolake yon firhen anan oun rhapen rhačepaske o baro Debleske.

Remarja 15:17

O Yezous Kristo das man kay boudi. Doleske ladjap gar, te rakrap pral kova, hoy krau o Debleske.

Remarja 5:10

Dikenn! Ap ko tsiro, kay kamam o Deblestar či te djinell, meras o Debleskro čavo menge. Leskro merepen anas men pash o Debleste, te djivas pale leha khetne. Oun kanna ham o Debleskre mala. Oun leskro čavo djivella, te djas mer gar nashedo.

Efesarja 2:16

Har meras lo ap o troushel, anas lo kol douyen khetne o Debleha, te venn le leskre mala. Kote las lo o čingepen lendar krik, hoy mashkral lende his.

Kolossarja 1:21

Ninna t'men anas o Devel pash peste. Glan i rah tsiro djivan t'mer dour lestar, kran čilačo koova, oun kaman o Debles gar.

Hebrearja 10:21

Men hi i baro rashay. Kova hi i tsele patslenge koy.

Hebrearja 2:11

O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Hebrearja 2:16

Čačepah, kova kras lo gar i bolepangrenge, na-a, kova kras lo kol menshenge, kay ap leste patsenna, yaake har o Abraham ap leste patsas.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.

Hebrearja 3:2

Koy boudi das les o Devel. Oun yob kras lat mishto yaake, har ninna o Mose peskri boudi o Debleskre menshenge mishto kras.

Hebrearja 3:5

O Mose boudras mishto o Debleskre menshenge. Kova, hoy yob kras oun penas, sikras lende, hoy o Devel kamas te krell an ko tsiro, hoy vella. Ninna te boudras o Mose mishto, his lo i Debleskro boudepaskro.

Hebrearja 4:14

Men hi i baro rashay. Kova hi o Yezous, o Debleskro čavo. Yob djas pash o Debleste an o bolepen, te mangell lo les menge. Doleske moukas mer gar tele, te rikras zoreles ap maro patsepen.

Hebrearja 4:15

Yob, maro baro rashay, hayvell men mishto, oun djinella, te hi men kek zoor pral o čilačepen. Les kamas o beng ninna o Debleskro dromestar tele te anell, yaake har kamell lo men o Debleskro dromestar tele te anell. Yek koova his an o Yezouseskro djipen vavarčandes har pash mende: Kek čilačepen his an leste.

Hebrearja 5:1

Hako baro rashay hi dran i menshende vin rodedo, te vell lo lengro rashay glan o Debleste. Leske anenn le firhen, te anell lo len glan o Debleste, te vell lengri doosh lendar krik lino.

Hebrearja 5:10

Oun o Devel penas ap leste: Tou hal i baro rashay glan mande, har glan i rah tsiro o Melkisedek his.

Hebrearja 5:2

O baro rashay hayvell mishto, har kolenge djala, kay peran o Debleskro dromestar tele, ninna te djinan le gar, kay hi kova čilačo, hoy yon kran. Yob hi i mensho har yon, oun les hi gar i zoor pral o čilačepen.

Hebrearja 5:5

Ninna o Yezous Kristo kras pes gar bares oun penas: Me vau baro rashay. Na-a, o Devel rodas les vin, har penas lo ap leste: Tou hal miro čavo. Kava dives vom tiro dad.

Hebrearja 7:26

O Yezous hi o baro rashay, kay hounte vell men. Yob hi lačo glan o Debleskre yaka. Kek čilačepen, vitar kek doosh hi ap leste. Na-a, yob hi gar yaake har mer čilače menshe ham, kay ham pale-čiddo glan o Debleste. Oun o Devel kras les bareder har hako vavar an o bolepen.

Hebrearja 7:28

Kol vavar bare rashaya hi menshe oun gar zorelo, oun nay krenn gar mishto kova, hoy o Devel lendar kamella. Yon van rashaya yaake, har o Mose an peskre lila činas. Boud tsiro palla, das o Devel peskro lab, oun das peskro vast koy pre, te vell leskro čavo i baro rashay hako tsireske. Yob krell lauter mishto, hoy o Devel lestar kamella.

Hebrearja 8:1

Kova hounte djinenn t'mer: Men hi i baro rashay, kova hi o Yezous Kristo. An o bolepen hi lo beshdo ap i čači rig o Deblestar.

Hebrearja 8:3

Hako baro rashay ap i phoub hounte anell o Debleske marede firhen, oun vavar lačo koova. Ninna maro rashay, o Yezous, hounte anell čomone o Debleske.

Hebrearja 9:11

Kanna vas o Yezous Kristo. Yob hi maro baro rashay oun anas men o bolepaskro bravlepen. O Debleskro kheer an o bolepen, kay yob dren djas, hi bareder oun feteder har ko Debleskro kheer ap i phoub. O Debleskro kheer an o bolepen hi gar i menshendar kerdo.