Hebrearja 2:11 - O Debleskro Lab 2024 (Sinte-Manouche)

¹¹ O Yezous kras i patslen čačo oun erligo, oun anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

O Debleskro Drom 2021 (Sinte)

¹¹ O Jesus kras i patslen tchatcho un erligo, un anas len pash peskro dadeste. Kanna hi leskro dad ninna lengro dad. Doleske ladjell lo gar, te dell lo len “phrala” gole.

Hebrearja 2:11 ပူးပေါင်းရင်းမြစ်များ

Mateo 25:40

Oun o baro ray penell lenge: Čačepah, me penau t'menge: Ko lačepen, hoy t'mer yekeske mire čorvele phralendar kran, ko lačepen kran t'mer mange.

Mateo 28:10

Koy penas o Yezous ap lende: “Ma darenn! Djan pash mire phralende oun penenn lenge, te djan le an o them Galilea! Oun kote dikenn le man pale.”

Markus 3:34

Oun yob dikas trouyel ap kolende, kay his troul leste beshdo, oun penas: “Dikenn, koya hi miri day, oun kolla hi mire phrala.

Markus 8:38

I menshe an kava tsiro hi čilačo oun moukan o Debles. Kova, kay ladjell pes mange oun mire labenge glan kolende, koleske ladjau me ninna, te vau me, o Mensheskro Čavo, pale ap i phoub. Ap ko dives hi man o raylepen, hoy das man miro dad an o bolepen. Oun mantsa venna o Debleskre bolepangre.

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Johanni 17:19

Me dau tout miro tselo djipen. Kova krau lenge, te venn yon ninna tire an o čačepen.

Johanni 17:21

Me mangau toutar, te venn le halauter yek, yaake har tou, tata, an mande hal, oun me an toute hom. Yaake te venn yon yek an mende, te patsenn i menshe, kay tou man bičral.

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

Bičepangre 17:28

An leste djivah mer, oun halauter, hoy mer krah, krah mer an leste. Oun mer ham an leste. Ninna t'mare goseve morsha penan: Mer vah o Deblestar.

Remarja 8:29

Har rodas lo len vin, his an leskro dji, te venn le yaake har peskro čavo. Kova te vell o phoureder mank boud phralende oun phenyende.

Galatarja 4:4

Har ko čačo tsiro vas, bičras o Devel peskro čaves. Kova vas i mensho, oun pandlo ap o Moseskre laba.

Hebrearja 10:10

Har o Yezous Kristo ap o troushel menge meras, kras lo kova, hoy o Devel kamas. Oun mari doosh las lo yek kopo hako tsireske mendar, oun yob kras men yaake djoudjo oun erligo glan o Debleste.

Hebrearja 10:14

Yek kopo meras o Yezous Kristo kolenge, kay venna pash o Debleste, oun kras len hako tsiro čačo oun erligo glan leste.

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

Hebrearja 13:12

Yaake meras o Yezous ninna vin glan o foro, te krell lo peskro rateha i menshen erligo glan o Debleste.

Hebrearja 2:14

Yon hi menshe dran rat oun mass. Doleske vas lo ninna i mensho har yon, oun meras, te las lo o bengeske i zoor krik pral o merepen.

Hebrearja 3:1

Mire patsle phrala, o Devel das t'men gole, te djivenn pash leste an o bolepen. Doleske dikenn ap o Yezouseste, kones o Devel bičras, te anell lo i menshen ap leskro drom. Les hi peskro dadeskro vast. Oun yob hi maro baro rashay. Ap leste patsah mer. Yob mangell o Debles menge.