Hebrearja 13:9 - O Debleskro Lab 2024 (Sinte-Manouche)

⁹ Te hi menshe koy, kay sikrenn t'men vavar dromma oun kamenn t'men o Debleskro dromestar tele te anell, palle patsenn lenge gar! Har shoukar hi kova, te venn t'mer zorelo an o dji! Kova krell o Devel, kay hi yaake lačo ap t'mende. Kolla, kay penenn t'menge, hoy te rhan oun hoy te rhan gar, kolla nay krenn gar t'maro patsepen zoreles. Lengre laba hi či moldo.

O Debleskro Drom 2021 (Sinte)

⁹ Te hi menshe koi, kai sikrenn tumen wawar dromma un kamenn tumen o Debleskro dromestar tele te anell, palle patsenn lenge gar! Har shukar hi kowa, te wenn tumer sorelo an o dji! Kowa krell o Dewel, kai hi jaake latcho ap tumende. Kolla, kai penenn tumenge, hoi te chan un hoi te chan gar, kolla nai krenn gar tumaro patsepen soreles. Lengre laba hi tchi moldo.

Hebrearja 13:9 ပူးပေါင်းရင်းမြစ်များ

Debleskri gili 112:8

Zoreles ačell leskro dji, oun darell gar, bis te yob tele dikell ap kolende, kay leske čilačepen kaman.

Mateo 24:24

Boud rhorhene morsha penenn ap t'mende: Me hom ko baro ray, kolestar o Devel penas, te vell yob. Oun rhorhene rakepangre penenna: Me hom o Debleskro bičedo. Oun yon krenna baro oun zorelo koova, hoy i mensho nashte krell gar dran peskri zoor. Kova krenn le, te anenn le i menshen o čačo dromestar tele. Te djals kova, anans le ninna kolen o Debleskro dromestar tele, kolen o Devel peske vin rodas.

Mateo 24:4

Penas o Yezous: Denn yak, ma moukenn t'men kekestar o Debleskro dromestar tele te anell!

Louka 5:38

I nevi mool vell čoredo an i neve molyakre gone.

Bičepangre 20:30

Ninna dran t'mende venn morsha, kay penenn i patslenge rhorhene laba, hoy gar o Deblestar vella. Oun yon tserdenn i patslen ap pengri rig.

Bičepangre 20:32

Me čivau t'men kanna an o Debleskro vast, te dell yob yak ap t'mende. Ačenn pash o Debleste oun pash leskro lab! Leskro lab sikrell t'mende o Debleskro lačepen. Les hi i zoor, te krell lo t'men zoreles an o patsepen. Oun o Devel dell t'men yek bravlepen an o bolepen. Kova hi o djipen, hoy gar pre-herella. Kova dell yob lauterende, kay leskre čave hi.

Remarja 14:17

Kolla, kay o Devel o ray pral lende hi, kolla čingrenn gar pral kova, hoy yon rhana oun hoy yon piyenna. Na-a. Yon djivenn pal o čačepen, hoy o Deblestar vella oun čingrenn gar, oun o Debleskro Dourho dell len barht an o dji.

Remarja 14:2

Ko yek patsell, kek rhapen hi pale-čiddo. Ko vavar, kay hi gar zorelo an o patsepen, kova patsell, te nay rhal lo kek mass.

Remarja 14:6

Koon rikrell o Debleskro dives bareder har i vavar divessa, krell kova o Debleske. Koon patsell, te nay rhal lo lauter, krell kova o Debleske oun parkrell pes pash leste. Koon patsell, te nay rhal lo gar lauter, kova krell les ninna o Debleske, oun sharell o Debles ninna.

1. Korintarja 6:13

O rhapen hi koy, te djal lo an o per. Oun o per hi o rhapaske koy. Vell yek dives, kay krell o Devel, te hi o rhapen oun o per bouder gar koy. O Devel kras men gar, te loubras mer trouyel. Mer ham koy o Yezouseske, maro rayeske. Oun yob hi ninna o ray pral maro mass.

1. Korintarja 8:8

Kolenge penau me: O rhapen krell men gar pale-čiddo glan o Debleste. Te ham dareno, te rhas yek rhapen, ham gar tikneder glan o Debleste. Te ham gar dareno, te rhas kova, ham gar feteder glan leste.

2. Korintarja 1:21

O Devel krell men, ninna t'men lauteren, zoreles an o patsepen ap o Yezous Kristeste. Yob rodas men peske vin,

Galatarja 6:1

Mire phrala, nay vell, kay krell yek t'mendar i čilačo koova. Anenn kol menshes pale ap o čačo drom! Rakrenn leha lačes! Yaake sikrenn t'mer, kay djivenn yaake, har o Debleskro Dourho kova kamella. Denn yak ap t'mende, te perenn t'mer gar ninna o Debleskro dromestar tele!

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Efesarja 5:6

Ma patsenn kekes, kay penell t'menge, te nay krenn kova lauter! Koon kova penella, hi i rhorheno. O Debleskri rholi vell ap kolende, kay gar ap o Debleste shounenna, oun krenna savo čilačo koova.

Kolossarja 2:4

Kova penau t'menge, te anell t'men kek rhorhene labentsa kava dromestar tele.

2. Tessalonikarja 2:17

te dell lo t'men zoor an t'mare djia, te nay krenna oun penenna lauter, hoy mishto hi.

2. Tessalonikarja 2:2

Mer mangah t'men: Ma moukenn t'men dinelo oun dareno te krell, te penenn i menshe t'menge: “Ko dives hi kanna kay.” Ma patsenn lenge ninna, te penenn le, te sikras len o Devel kova, vitar gar, te penenn le, te lans le i liil mendar, kay mer kova činams!

1. Timoteo 6:20

Tou, Timoteo, ač pash kova, hoy o Devel an tiro vast čivas! Ma shoun ap kolende, kay rakrenn laba, hoy či moldo hi, oun hoy gar o Deblestar venna! Yon rakrenn dinelo koova, oun patsenn, kay djinenn le boudeder har kol vavar. Lengro hi gar čačo.

1. Johanni 4:1

Lače phrala oun phenya, ma patsenn hakenes, koon penella, te hi les o Debleskro Dourho! Dikenn ap leskro rakepen, te djinenn t'mer, te vell kova čačepah o Deblestar! Boud rhorhene rakepangre nashenn ap i phoub trouyel. Kolla penenna i menshenge, te vell lengro rakepen o Deblestar. Kova hi gar čačo.

Judas 1:12

Kol menshenge hounte ladjenn t'men. Te venn t'mer khetne, te piyenn oun te rhan, palle rhan yon pen thoulles pash t'mende oun ladjenn pen gar. Yon dikenn ap pende kokres, te djal lenge kokres mishto. Yon krenn bare laba, hoy či moldo hi. Yon hi har rouka, ap kolende či baro vella, vitar kek patria, oun kay hi tseles moulo oun venn tele dino.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.