Hebrearja 13:8 - O Debleskro Lab 2024 (Sinte-Manouche)

⁸ O Yezous Kristo ačell har yob hi: taysar, kava dives, oun hako tsireske.

O Debleskro Drom 2021 (Sinte)

⁸ O Jesus Kristo atchell har job hi: taissar, kau diwes, un hako tsireske.

Hebrearja 13:8 ပူးပေါင်းရင်းမြစ်များ

1. Mose 21:33

O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 90:2

Glan i berge kerdo van, oun tou i phoub kral, hals tou, o Devel, koy. Oun tou ačeh hake tsirya.

Debleskri gili 90:4

Yek zero bersha hi pash toute har yek dives, har ko dives, hoy taysar his, oun bouder gar koy hi, oun har i tikno tsiro an i rat.

2. Mose 3:14

O Devel penas ap o Moseste: “Me hom, koon me hom. Pen ap i Israelitarya: O baro Devel, kay kharella Me-Hom bičras man pash t'mende. Yob hi o baro Devel, kones t'mare phoure dada, o Abraham, o Isaak oun o Yakob an-mangan. Baro Devel hi miro lab i tsele tsirya. Oun yaake hounte kharenn man tire menshe, kay venna pal toute.

Jesaja 41:4

Koon hi kova, kay kras kova lauter? Koon dell i menshen gole oun penell, hoy lentsa djala? Me hom kova, o baro Devel; glan hake tsirya homs koy, oun hom gomme koy, te venn i palstoune divessa.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Maleachi 3:6

Me, o baro Devel, ačau har hom. Oun t'mer, o Yakobeskre čave, ačan ninna har hans:

2. Korintarja 1:19

O Debleskro čavo, o Yezous Kristo, kolestar o Silvano, o Timoteo oun me t'menge penam, yob rikras ninna peskre laba. Lauter hi čačo, hoy yob penas.

2. Korintarja 1:20

Lauter, hoy moukas o Devel glan i rah tsiro menge te penell, kova kras o Yezous Kristo menge. Dran kova penah mer Amen, te vell o Devel sharedo.

Hebrearja 1:12

Tou čiveh len khetne, har yek i phouri plaashka khetne čivella, oun i nevi plaashka ap peste čivella. Tou ačeh yaake, har tou hal, oun mereh gar.

Jakobo 1:17

Lauter, hoy hi mishto oun lačo, vella o Deblestar an o bolepen. Yob kras o kham oun o čon oun i bolepangre momlia. Kolla krenn, te vell dives oun rat, oun yon venn yek tsiro diklo oun i vavar tsiro gar diklo. O Devel hi gar yaake. Yob ačell, har yob hi.

Judas 1:25

Sharas koles, kay kokres o Devel hi! Yob las men dran o čilačepen vin, har maro ray, o Yezous Kristo, menge meras. Maro Devel hi o baro ray. Les hi i tseli zoor kanna oun glan kava tsiro oun an ko tsiro, hoy vella. Amen.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:4

Me, o Yohanni, činau kava liil ap i tsele patslende, kay an i efta forya an o them Asia khetne venna. Lačepen oun barht t'menge! Kova dell t'men o Devel! Yob djivella hako tsiro: kanna oun an ko tsiro, hoy his oun hoy vella! Lačepen oun barht t'menge! Kova dell t'men o Debleskro Dourho! Kova hi har efta yaga glan o Debleskro beshepaskro tardo.

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”