Hebrearja 13:6 - O Debleskro Lab 2024 (Sinte-Manouche)

⁶ Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

O Debleskro Drom 2021 (Sinte)

⁶ Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Hebrearja 13:6 ပူးပေါင်းရင်းမြစ်များ

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Rajengro liil 17:8

Koy penas o baro Devel ap leste:

Debleskri gili 124:8

Kova hi o baro Devel, kay las men vin, yob, kay o bolepen oun i phoub kras.

Debleskri gili 146:3

Rikrenn t'men gar ap t'mare pralstunende! Menshe hi le oun nay lenn t'men gar vin dran i bibarht.

Debleskri gili 27:9

Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 33:20

Mer rikrah men ap o baro Debleste maro tselo djiyeha. Yob vell ap mari rig, oun rikrell peskro vast pral mende.

Debleskri gili 40:17

Kolla lauter, kay tout rodenna, mou venn le barhtelo pral toute oun givenn i barhtyatar! Kolla, kay mangenn toutar, te less len vin dran o čilačepen, mou penenn le hako tsiro: “Sharedo vell o baro Devel!”

Debleskri gili 54:4

Miro Devel, shoun miro mangepen! Shoun o rakepen, hoy dran miro mouy vella!

Debleskri gili 56:4

Ap ko dives, kay man i daar taprella, dikau me ap toute, mo Devel, oun rikrau man ap toute.

Debleskri gili 63:7

Me te hom ap o čiben čiddo, veh tou mange an o shero. An i rat, kay me sovau gar, rakrau touha an miro dji.

Debleskri gili 94:17

Vals o baro Devel gar ap miri rig, voms me yaake mishto har moulo.

2. Mose 18:4

Ko vavar kharas Eliyeser. Har kava boldo vas, penas o Mose: “O Devel miro dadestar vas ap miri rig. Yob las man vin dran o vast o Faraestar, kay kamas man moulo te dell.”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jesaja 41:14

Ma dare, tou kirmo Yakob, tou djouv Israel! Me, rikrau pash toute, me, o baro Devel. Kova, kay ginas tout vin dran o vavareskro vast, hom me, o Israeleskro čačo Devel.

Mateo 10:28

Ma trashenn kol menshendar, kay nay marenn t'men! Yon nay marenn gar o djipen an t'mende, hoy ninna pal o merepen djivella. Trashenn o Deblestar, kay nay čivell t'men pal o merepen an o bengeskri yag, kay han hako tsiro nashedo!

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Efesarja 3:12

oun kras menge i drom pash o Debleste. Kanna, kay patsah ap leste, hounte trashas bouder gar o Deblestar, oun mer nay vah glan leste.

5. Mose 33:26

Israel, kek devel hi har tiro Devel. Pherdo raylepen hi lo beshdo ap volke oun djal pral o bolepen, te vell lo ap tiri rig.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

Hebrearja 10:19

Mire phrala, shounenn! Har o Yezous Kristo menge meras, oun peskro rat ratas, kras lo menge i voudar pre, te nay vah glan o Debleste. Men hounte vell bouder kek traash.

Hebrearja 4:16

Dran kova vas mer glan maro lačo Debleste. Koles hi i baro dji menge, te dell lo men peskri zoor ap ko tsiro, kay hounte las mer leskri zoor.

1. Samuel 23:17

Oun o Yonatan penas ap o David: “Ma dare, miro dadeskro vast nay hatsell tout gar. Tou veh o baro ray pral o Israel. Oun me vau o douyto pal toute. Oun ninna miro dad, o Saul, djinell kova mishto.”