Hebrearja 13:11 - O Debleskro Lab 2024 (Sinte-Manouche)

¹¹ I moule firhe, kolengro rat o baro rashay an o Debleskri kouč isema anas, te lell o Devel i doosh i menshendar krik, kol firhe venn vin glan o foro an i yag rhačedo.

O Debleskro Drom 2021 (Sinte)

¹¹ I mule vieche, kolengro rat o baro rashai an o Debleskri kutch isema anas, te lell o Dewel i doosh i menshendar krik, kol vieche wenn win glan o foro an i jag chatchedo.

Hebrearja 13:11 ပူးပေါင်းရင်းမြစ်များ

2. Mose 29:14

O mass, i hauta oun ko rhapen, hoy an i bouke hi, rhačress tou vin glan koy platsa, kay t'mer djivenna. Kova lauter vell yaake kerdo, te vell i rashayengri doosh krik lino.

Ezekiel 43:21

Oun tou less ko terno gouroum, hoy i doshake maredo vas, te vell lo rhačedo ap i platsa, hoy koleske koy hi, vin glan i massouri, hoy hi troul o Debleskro kheer.

3. Mose 16:27

Kova, hoy pral ačas ko terno gouroumestar oun koy morsh bouzyatar, kolengro rat an i kouč isema anlo vas, te vell i doosh oun o pale-čiddo koova krik lino, kol kotya anell yek vin glan i platsa, kay i menshe hi, oun rhačrell kote lauter, koy hauta, ko mass, oun kol bouke.

3. Mose 6:11

Kokres kol morsh čave, kay venn o Aronestar, nay rhan kolestar. Kova hi hako tsireske lengro kotar kolestar, hoy i menshe o baro Debleske anenna. Hako vavar, kay taprell kova an, lell peskri phagi.

3. Mose 9:11

O mass oun i hauta rhačras lo vin glan koy platsa, kay i menshe his.

3. Mose 9:9

Oun leskre morsh čave anan leske o rat. Oun yob čivas peskro goushto an o rat, oun makas čomone ko ratestar ap i shinga, hoy ap i star ekke pral ap i rhačepaskri hi. Oun o vavar rat čoras lo tella pash i rhačepaskri.

4. Mose 19:3

Oun de lat ko rashayeste Elazar. Kova hounte anell lat vin glan i plarhtene khera. Oun kote glan leskre yaka moukell lo lat te marell.

4. Mose 19:7

Pal kova hounte thovell lo pes oun ninna peskre koola. Oun pal kova djal lo pash i plarhtene khera oun ačell pale-čiddo bis ap i rati.