Hebrearja 13:1 - O Debleskro Lab 2024 (Sinte-Manouche)

¹ Moukenn gar tele, te kamenn i phralen oun i phenyen o tselo djiyestar!

O Debleskro Drom 2021 (Sinte)

¹ Mukenn gar tele, te kamenn i phralen un i phenjen o tselo djijestar!

Hebrearja 13:1 ပူးပေါင်းရင်းမြစ်များ

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

Johanni 15:17

“Krenn, hoy me t'menge penau: Kamau, te kamell yek o vavares o djiyestar!

Bičepangre 2:1

Ap i biboldengro baro dives, hoy kharella Fingsta his yon lauter an yek kheer khetne.

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Galatarja 5:6

O Yezous Kristeske molell či, te hi i morsh ap o mass činlo, vitar gar, te hi lo gar činlo. Kova, hoy hi boudeder moldo har lauter, hi o patsepen. Ko patsepen dikah mer ap o kamlepen, kay yekes hi i vavareske.

Efesarja 4:3

O Debleskro Dourho anas t'men khetne. Yaake denn garda, te vell kek čingepen mashkral t'mende, oun te rikrenn t'mer lauter khetne!

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

2. Tessalonikarja 1:3

Mire phrala, mer hounte parkras men t'menge pash o Debleste hako tsiro, yaake boud lačepen shounam t'mendar. T'maro patsepen vell baro oun bareder. Oun pash t'mende lauterende vell o kamlepen bareder, kay yek o vavareske hi.

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!

1. Petro 1:22

T'mer shounan ap o čačo lab, oun čivan o čilačepen dran t'maro djipen krik. Kanna nay kamenn t'men čačepah har phrala oun phenya. Moukenn gar tele, te kamenn t'men o tselo djiyestar!

1. Petro 2:17

Avenn lačes ap hako mensheste! Kamenn i patslen o djiyestar! Sharenn o Debles, oun krenn, hoy yob kamella! Shounenn ap o baro rayeste pral o them!

1. Petro 3:8

Ap t'mende lauterende penau: Rikrenn khetne! Hakenes te vell i dji o vavareske! T'mer lauter han phrala oun phenya. Avenn lačes yek ap o vavareste! Ma krenn t'men bares!

1. Petro 4:8

Rikrenn khetne an o kamlepen! Kova hi feteder har lauter vavar. O kamlepen čakrell boud čilačepen.

2. Petro 1:7

Koon o Debles kamella, koles hi ninna i dji peskre phralenge oun phenyenge. Kones i dji hi peskre phralenge oun phenyenge, kova kamell ninna i tsele menshen ap kay phoub.

1. Johanni 3:23

Oun kava kamell o Devel mendar: te patsas mer ap leskro čaveste, o Yezous Kristeste, oun te kamas men, yek o vavares o djiyestar, yaake har o Yezous Kristo les menge penas.

1. Johanni 4:20

Te penell yek: “Me kamau o Debles,” oun krell peskro phraleske čilačepen, kova hi i rhorheno. Yob kamell gar peskro phrales, koles yob nay dikella. Har nay kamell lo o Debles, koles yob nay gar dikella?

Debleskro tsiro 2:4

Yek koova hi pash t'mende, hoy hi gar mishto: T'mer kamenn man bouder gar o tselo djiyestar, yaake har kova his ap ko tsiro, har t'mer patslo van. T'maro dji moukas man.