Hebrearja 12:6 - O Debleskro Lab 2024 (Sinte-Manouche)

⁶ Kones o Devel o djiyestar kamella, kova lell ninna lestar i phagi. Oun koon vell leskro čavo, koles dell lo ninna dava.

O Debleskro Drom 2021 (Sinte)

⁶ Kones o Dewel o djijestar kamella, kowa lell ninna lestar i phagi. Un koon well leskro tchawo, koles dell lo ninna dawa.

Hebrearja 12:6 ပူးပေါင်းရင်းမြစ်များ

2. Samuel 7:14

Me kamau leskro dad te vell. Oun yob vell miro čavo. Oun yob te krell i čilačo koova, dau me les i phagi, yaake har menshe i phagi denna.

Debleskri gili 119:71

His mishto mange, te dal man i phagi, te shounap ap toute oun krau hoy tou mandar kameh.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 94:12

Barhtelo hi kova, koneste tou, baro Devel, leskri doosh sikreh, koleste tou sikreh, har te djivell lo.

Gosewe laba 13:24

I dad, kay peskro čaveste kek phagi dell, krell leske gar mishto. Koon les kamell o djiyestar, kova rikrell pes gar pale, te dell lo les i phagi.

Gosewe laba 3:11

Miro čavo, ma dik čilačes, te dell tout o baro Devel i phagi! Ma naash lestar krik, te dell lo tout trad.

Gosewe laba 3:12

Kones o baro Devel o djiyestar kamell, koles dell lo, yaake har i dad peskro čaveha krell, ap koleste yob lačes dikell.

Jesaja 27:9

Yaake vell o Israelengri doosh krik lino. Oun ap kova sikrell pes, te hi lengri doosh krik lino: Te denn le i pre-čidde barra yaake khetne, kay mangan le i vavar deblen an, te ačell či har čik. Oun te moukenn le kek figure tardo, hoy sikrenn i debletsa Ashera, vitar kek boba, kay lake soungepaskro koova rhačedo vas.

Jeremia 10:24

Baro Devel, de man i phagi an o čačepen, oun gar an tiri rholi, te maress man gar!

Ropaskre gilja 3:39

Har nay penell i mensho i ropah: “O Devel djal gar mishto mantsa trouyel.” Vals feteder te rovals lo pral peskri doosh!

5. Mose 8:5

Yaake hayvenn t'mer an t'mare djia, t'maro baro Devel kras t'mentsa har i dad peskro čaveha.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

Jakobo 5:11

Kolla hi čačepah barhtelo, kay rikran zoreles ap o Debleste. T'mer shounan, har rikras pes o Hiob zoreles ap o Debleste, oun t'mer djinenna, havo bravlepen o Devel les lauter das. O Debles hi i baro dji i menshenge oun hi lenge lačes.

Debleskro tsiro 3:19

Lauteren, kay kamau o djiyestar, kolende sikrau lengri doosh, oun penau lenge daventsa, te shounenn le ap mande. Moukenn kanna t'maro čilačo drom, oun avenn pale ap miro drom!

Ruth 1:3

Kote meras o Elimelek. Oun leskri romni Naomi ačas kokres pale peskre douy čaventsa.