Hebrearja 11:7 - O Debleskro Lab 2024 (Sinte-Manouche)

⁷ Ninna o Noah patsas, hoy o Devel penas, har yob leha rakras, oun leste sikras, hoy pral i tsele menshende vella. Ninna te dikas o Noah kova gomme gar, shounas lo ap o Debleste, oun kras i baro panyeskro kheer. Yaake hounte meras yob peskre menshentsa gar. Har o Noah ko panyeskro kheer kras, vas diklo, te patsas yob, hoy o Devel penas. Ninna vas diklo, i vavar menshe patsan gar, hoy o Devel penas. Doleske hounte meran le. Ap o Noah penas o Devel: Tou patsal man. Tou hal kanna an o čačepen tardo glan mande.

O Debleskro Drom 2021 (Sinte)

⁷ Ninna o Noah patsas, hoi o Dewel penas, har job leha rakras, un leste sikras, hoi pral i tsele menshende wella. Ninna te dikas o Noah kowa gomme gar, shunas lo ap o Debleste, un kras i baro panjeskro kheer. Jaake hunte meras job peskre menshentsa gar. Har o Noah ko panjeskro kheer kras, was diklo, te patsas job, hoi o Dewel penas. Ninna was diklo, i wawar menshe patsan gar, hoi o Dewel penas. Doleske hunte meran le. Ap o Noah penas o Dewel: Tu patsal man. Tu hal kanna an o tchatchepen tardo glan mande.

Hebrearja 11:7 ပူးပေါင်းရင်းမြစ်များ

1. Mose 19:14

Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

1. Mose 6:13

Doleske penas o Devel ap o Noah: “Kolla, kay djivenn ap i phoub, kran, te vas i phoub pherdo čilačepen oun midjak koova. Kamau gar, te djivenn le doureder. Ava, me krau, te merenn i tsele menshe oun halauter, hoy ap i phoub hi.

1. Mose 6:22

Oun o Noah kras lauter yaake, har o Devel leske penas.

1. Mose 6:9

Kova hi ko liil, kay činlo hi pral o Noah peskre čaventsa. O Noah his i morsh, kay lačo oun čačo his. I tsele menshendar an ko tsiro kras yob kokres kek čilačepen. O Noah djivas o Debleha.

1. Mose 7:23

Yaake vas o tselo djipen ap i phoub tassedo: i menshe, i firhe, i bare oun i tikne, ninna i čirkle. Halauter vas tassedo. O Noah kokres ačas djido oun kolla, kay djan khetne leha an o panyeskro kheer.

1. Mose 7:5

Oun o Noah kras halauter yaake, har o baro Devel leske penas.

1. Mose 8:16

“Kanna dja vin dran o panyeskro kheer, tou oun tiri romni oun tire čave oun lengre romya.

2. Rajengro liil 4:5

Yoy djas koy, oun kras kova yaake, oun klidevas o voudar tele pal peste oun lakre čavende. Kolla anan lake kol khore, oun yoy čoras djet dren.

Hiob 35:8

Kolla hi i vavar menshe, kolenge kova djoungeles hi, te kreh čilačo koova, oun kolenge kova lačo hi, te kreh lačo koova.

Gosewe laba 22:3

Koles i gosevo dji hi, kova dikell, har i bibarht vella oun khatrell pes. Kolen či an o shero hi, kolla nashenn doureder, oun i bibarht vell ap lende.

Gosewe laba 27:12

Koles i gosevo dji hi, kova dikell i bibarht te vell, oun khatrell pes. Kolen či an o shero hi, kolla nashenn doureder, oun i bibarht vell ap lende.

Ezekiel 14:14

Ninna te vans kal triin morsha an ko them, o Noah, o Daniel oun o Hiob, palle lans yon kokres pengro djipen dran o merepen vin, kek vavar lentsa. Yon djivan an o čačepen. Doleske loms len kokres dran o merepen vin. Kava penau me o baro Devel, t'maro ray.

Ezekiel 14:20

oun o Noah, o Daniel oun o Hiob vans ninna an ko them, palle lans le gar pengre čaven oun čen dran o merepen vin. Kokres pengro djipen nay lans le dran o merepen vin doleske, kay djivan yon an o čačepen. Yaake dau man sovel pash miro djipen, penell o baro Devel, maro ray.

Ezekiel 33:5

Yob shounas koy phourdepaskri oun das gar yak koy pre. Les kokres hi doosh ap peskro merepen. Te dals lo yak ap i phourdepaskri, palle lals lo peskro djipen dran o merepen vin.

Mateo 2:12

Oun an i souni penas o Devel lenge, te djan le gar pash o Herodeste pale. Yaake djan le penge, te venn le ap i vavar drom an pengro them pale.

Mateo 24:15

Glan i rah tsiro rakras o Debleskro rakepaskro Daniel pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura an o Debleskro baro kheer tardo,

Mateo 24:25

Ma bistrenn, hoy me t'menge penom!

Mateo 24:38

Glan ko tsiro, har o baro pani vas, rhan oun piyan le, romedineran le, oun van romedino. Har o Noah an o panyeskro kheer djas,

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Louka 17:26

Ap ko tsiro, kay o Mensheskro Čavo pale vella, djivenn i menshe yaake har an ko tsiro, kay o Noah djivas.

Remarja 1:17

An kava lab sikrell o Devel, koon glan leste čačo hi: Kolla, kay patsenna oun denn pengro patsepen gar pre. Lengro čačepen vell dran o patsepen. Yaake hi kova činlo an o Debleskro lab: Kova, kay patsella, kova vell čačo glan o Debleste oun djivella.

Remarja 10:6

Hi vavarčandes kolenge, kay patsenn ap o Yezous Kristeste. Dran lengro patsepen van le čačo glan o Debleste. O Debleskro lab penell: Ma pen an tiro dji: Yek hounte djal an o bolepen, te anell lo o Yezous Kristes tele! Mer djinah: o Yezous Kristo vas ap i phoub.

Remarja 4:11

Činlo vas o Abraham, te vell diklo: Yob hi čačo dran o patsepen, hoy glan kava tsiro an leste his. Doleske vas lo kharedo: O dad lauterendar, kay patsenn ap o Debleste, ninna te hi le gar ap o mass činlo. Lengro patsepen čivell len an o čačepen.

Remarja 4:13

Glan rah tsiro das o Devel o Abrahames peskro lab, te lenn leskre čave i tseli phoub. Ap ko tsiro penas o Devel leske gar: Tou te kreh lauter, hoy toutar kamau, palle leh tou kova halauter. Na-a. Yob penas leske: Tou patsal ap mande, doleske hal čačo glan mande.

Remarja 9:30

Yaake nay penah: Kol menshe, kay hi kek bibolde, rodan gar pal o čačepen. Oun kolen čivas o Devel an o čačepen. Yon patsan ap leste. Oun doleske kras lo len čačo glan peste.

Galatarja 5:5

Mentsa hi vavarčandes. Mer patsah, te čivell men o Devel an o čačepen, te patsah ap o Yezous Kristeste. Ko patsepen dell men o Debleskro Dourho.

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

Hebrearja 11:1

Te patsah ap o Debleste, patsah mer ninna, te dell men o Devel kova, hoy yob penas. Kova patsah zoreles. Ninna te dikah kova gomme gar, hi maro dji zorelo oun djinell, te vell kova yaake, har yob penas.

Hebrearja 12:25

Denn yak, te shounenn ap o Debleste, kay ap t'mende rakrella! Har yob ap i phoub ap i phoure Israelitarya rakras, kaman le gar ap leste te shounell, oun leskri rholi vas pral lende. Kitse boudeder vell o Debleskri rholi pral mende, te shounah gar ap leste, kay dran o bolepen rakrella.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

1. Petro 3:20

Yob djas pash kol moulende, kay djivan an ko tsiro, kay o Noah djivas. Har o Noah ko panyeskro kheer kras, das o Devel i menshen i rah tsiro, te venn le pash leste. Oun yon van gar. His gar boudeder har orhta menshe, kay djan an o panyeskro kheer. Oun kolla tassan gar an o pani.

2. Petro 1:1

Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

2. Petro 2:5

Oun o Debleskri rholi vas pral kol menshende, kay djivan an ko tsiro, kay o Noah djivas. Yon kaman o Deblestar či te djinell, oun shounan gar ap o Noah, har yob lenge penas, te hounte djan le ap o Debleskro drom. Oun o Devel bičras o baro pani pral lende. O Noah kokres oun efta vavar tassan gar.

2. Petro 3:6

Koy phouri phoub djas tele an o baro pani.