Hebrearja 11:32 - O Debleskro Lab 2024 (Sinte-Manouche)

³² Hoy te penap t'menge boudeder? Yaake boud tsiro hi man gar, te rakrap kol morshendar Gideon, Barak, Simson, Yefta, David, Samuel oun kolendar, kay his o Debleskre rakepangre.

O Debleskro Drom 2021 (Sinte)

³² Hoi te penap tumenge budeder? Jaake bud tsiro hi man gar, te rakrap kol murshendar Gideon, Barak, Simson, Jefta, David, Samuel un kolendar, kai his o Debleskre rakepangre.

Hebrearja 11:32 ပူးပေါင်းရင်းမြစ်များ

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

Jeremia 15:1

Oun o baro Devel penas ap mande: Ninna te vals o Mose oun o Samuel glan mande tardo, kroms me kal menshenge miro dji gar pre. Trade len krik mandar, oun mouk len te djal!

Mateo 5:12

Givenn oun denn gole i barhtyatar ap ko dives! O Devel dell t'men i baro bravlepen an o bolepen. Yaake har yon t'men palla lenna, yaake lan le o Debleskre rakepangren an o phouro tsiro ninna palla.

Louka 13:28

Te han t'mer vin tardo oun dikenn, kay o Abraham, oun o Isaak, oun o Yakob, oun kol tsele Debleskre rakepangre pash o Debleste an o bolepen hi, rovenn t'mer. Oun t'mer dandrenn i danda i doukatar khetne.

Louka 16:31

Penas o Abraham: Te shounenn le gar ap o Mose oun ap kol Debleskre rakepangre, shounenn le vitar gar ap yekeste, kay stas i moulendar pre.

Johanni 21:25

Hi ninna boud vavar koova, hoy o Yezous kras. Te vals kova lauter an i lila činlo, yek pal o vavar, vals i phoub gar baro doha kol tsele pesse lilenge, patsau me.

Bičepangre 10:43

Kolestar rakrenn i tsele Debleskre rakepangre an pengre lila. Yon penenn, kay lell o Devel i doosh hakenestar krik, koon ap o Yezous Kristeste patsella.”

Bičepangre 13:20

Kova his star-sheel-te-paash (450) bersha pal ko tsiro, har mare phoure an o them Egiptia van. Har van le an o them Kanaan, čivas o Devel čačepangren pral lende. Kolla his lengre pralstoune yaake rah, bis te vas o Debleskro rakepaskro, o Samuel.

Bičepangre 3:24

Ninna o Samuel oun kol vavar rakepangre, kay pal leste van, rakran pral kal divessa, kay mer kanna djivah.

Remarja 3:5

Kanna poučau t'mendar: Hi i menshen gar čačo, te penenn le: “Hi maro čilačepen baro, vell o Debleskro lačepen bareder. Doleske hi o Debles gar čačo, te dell lo men i phagi.”

Remarja 4:1

Kova hi yaake har pash maro phouro dadeste, o Abrahameste, kolestar i bibolde venna. Har vas lo čačo glan o Debleskre yaka?

Remarja 6:1

Hoy te kras kanna? Djivas doureder an o čilačepen, te vell o Debleskro lačepen bareder? Na-a!

Remarja 7:7

Hoy sikras men kova? Hi o Moseskre laba čilačo? Na-a. Kova hi gar yaake. Te vans kol laba gar koy, djinams gar, hoy čilačo hi. Kol laba penenn menge: Tiro dji te djal gar pal kova, hoy o vavareske hi! Te djinoms kol laba gar, djinoms gar, kay kova čilačo hi.

Jakobo 5:10

Mire phrala, dikenn ap o Debleskre rakepangre, kay penan i menshenge o Debleskro lab. Yon van gar khino an lengre djia, ninna gar, har van boud douka ap lende. Avenn har yon!

2. Petro 1:21

An kek tsiro vas o Debleskro lab i menshendar. Kol Debleskre rakepangre rakran, hoy o Devel lenge penas. Kova čivas lenge o Debleskro Dourho an o dji.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

Čačepangre 13:24

Oun koy romni las i morsh čaves, oun das les o lab Simson. Oun ko čavo vas baro, oun o baro Devel čivas peskri barht ap leste.

Čačepangre 15:20

Oun an ko tsiro, kay i Filistarya i raya his pral o them, his o Simson biish bersha o čačepaskro ray pral o Israel.

Čačepangre 4:1

Oun har o Ehoud moulo his, kran i Israelitarya pale, hoy čilačo his glan i yaka o baro Deblestar.

Čačepangre 6:1

Oun i Israelitarya kran, hoy čilačes hi glan o baro Debleskre yaka. Doleske das o baro Devel len efta bersha an o vast kol menshendar, kay kharenna Midianarya.

Čačepangre 6:11

Oun ko baro Debleskro bolepaskro vas, oun beshas pes tel ko baro rouk, hoy pash i platsa his, hoy kharella Ofra. Koy platsa his o Yoashes dran i familya Abiyeser. Oun leskro čavo Gideon his an ko kashteskro, hoy kerdo his, te krenn le mool dran i drake. Oun kote das lo khatemen o djob vin, te nay taprenn i Midianarya gar ko djob ninna.

Čačepangre 6:14

Kote rissras pes o baro Devel pash leste, oun penas: “Dja koy an tiri zoor! Oun le o Israel dran o Midianeskro vast vin! Me bičrau tout.”

1. Samuel 1:20

te vas li vavarčandes. Oun har lakro tsiro vas, las li i morsh čaves, oun das les o lab Samuel. Yoy penas: “O baro Deblestar mangom les mange.”

1. Samuel 12:11

Kote bičras o baro Devel o Yeroub-Baal, o Bedan, o Yefta oun o Samuel, oun las t'men vin dran i vasta kolendar, kay t'men tele rikran, yaake te nay djivan kek daryah.

1. Samuel 16:1

Oun o baro Devel penas ap o Samuel: “Har rah kameh tou gomme pal o Saul te rovell, koles me pale čivom, te vell lo bouder gar o ray pral o Israel? Le kanna i toushni djet touha, oun kre tout ap o drom! Me bičrau tout pash o Isay an o foro Betlehem. Mank leskre morsh čavende hi kova, koles me mange vin rodom, te vell yob baro ray.”

1. Samuel 16:13

Kote las o Samuel o djet oun čoras les ap o Davideskro shero, glan i yaka peskre phralendar. Oun o baro Debleskro dourho vas pral leste ap ko dives oun ačas ap leste. Oun o Samuel djas pale an Rama.

1. Samuel 17:45

O David penas: “Tou veh pash mande i rhareha, i lengsto čouryeha oun i vitsepaskro čouryeha. Me vau pash toute an o lab o baro Deblestar, ko rayestar pral o bolepen oun i phoub, kay o Devel pral i Israeleskre lourdende hi, kones tou praasal.

1. Samuel 2:11

Oun o Elkana djas pale khere an Rama. Oun o čavo ačas an Shilo pash o rashayeste, o Eli, oun his o baro Debleske koy.

1. Samuel 2:18

Oun o Samuel his o baro Debleske koy. Kava čavo his rido an i rashayeskri layntikri damdira.

1. Samuel 2:4

I zorele lourdenge phagell lo pengre boge, kolentsa yon karye dan. Kolen, kay len kek zoor bouder hi, dell lo nevi zoor.